ރިލެކްސިން ހޮޓަލުގައި މިރޭ ރޯވެ ގެއްލުން ވެއްޖެ
7 ޖޫން 2014 23:56
މާލޭގައިހުރި މަޝްރޫ ހޮޓަލެއް ކަމަށްވާ ރިލެކްސިންގައި މިރޭ އަލިފާން ރޯވެ ގެއްލުންތަކެއް ވެއްޖެއެވެ.
މައުލުމާތު ލިބިފައިވާ ގޮތުގައި އެހޮޓަލުގައި ރޯވެފައިވަނީ ޓެރަސްގައި، ފިލައާއި، ދަގަނޑު ހޮޅިން ހަދާފައިވާ ތަނެއްގައެވެ. މިހާދިސާ ހިނގާފައިވަނީ ގާތްގަނޑަކަށް މިރޭ 8:20 އެހައިކަންހާ އިރުއެވެ.
މިހާދިސާ ހިނގިއިރު އެހޮޓަލުގައި 24 ގެސްޓުން ތިއްބެވެ. ޖުމްލަ 24 ކޮޓަރި ހުންނަ މިހޮޓަލުގައި ހިނގި އަލިފާނުގެ ހާދިސާގައި ގެސްޓަކަށްވެސް އަދި މުވައްޒަފަކަށްވެސް އަނިޔާއެއް ވެފައެއް ނުވެއެވެ. ހާދިސާ ހިނގިއިރު ހޮޓަލުގައި ތިބީ މަދުބައެއް ކަމަށްވެސް މައުލޫމާތު ލިބިފައިވެއެވެ.
އަލިފާން ރޯވިކަން ހޮޓަލުގައިތިބި ގެސްޓުންނަށް އެނގިފައިވަނީ ބައެއް މީހުން އަޑުގަދަ ކުރަން ފެށުމުންނެވެ.
ހޮޓަލުގައި އަލިފާން ރޯވުމުން ސިފައިންގެ ޓީމުތަކުން އައިސްވަނީ ވަނީ އަލިފާން ނިއްވާލައިފައެވެ. ސިފައިން އެތަނަށް ދިޔައިރު ހޮޓަލުގައި ތިބި މީހުން ދިޔައީ ހޮޓަލުން ނިކުންނަމުންނެވެ.މިހާދިސާ ހިންގަން މެދުވެރިވި ސަބަބެއް މިހާތަނަށް އެނގިފައެއް ނުވެއެވެ. ނަމަވެސް މިކަން ސިފައިންނާއި ފުލުހުން ގެންދަނީ ތަހުގީގު ކުރަމުންނެވެ.
މިހޮޓަލަކީ 10 ބުރީގެ އުސް އިމާރާތެކެވެ. މިހާދިސާގައި ހޮޓަލަށް ލިބުނު ގެއްލުމުގެ ތަފްސީލެއް އަދި އެނގިފައެއް ނުވެއެވެ.
ކިޔުންތެރިންގެ ހިޔާލު