ހާލުގައި ޖެހުނު އީރާނުގެ ބޯޓެއް ގުރައިދުއަށް ގެންގޮސްފި

ހާލުގައިޖެހިފައިވާ އިރާނުގެ ބޯޓެއް ރާއްޖޭގެ ސަލާމަތީ ބާރުތަކުގެ އެހީތެރިކަމާއެކު ތ.އަތޮޅު ގުރައިދުއަށް ގެންގޮސްފި ކަމަށް ފުލުހުން ހާމަކުރައްވައިފިއެވެ.

ތ. ގާދިއްފުށީއިރުން އެއްމޭލު ބޭރުގައި އޮތް "އިމާދު" ބޯޓު ސަލާމަތްކުރީމަސްދޯންޏަކުން ފުލުހުންނަށް އެބޯޓުގެ ޚަބަރު ކުރުމުންނެވެ. ތ. ތިމަރަފުށީ ޕޮލިސްސްޓޭޝަންގެ ފުލުހުންނާއި، ވޭމަންޑޫ ޕޮލިސް ސްޓޭޝަނުގެ ފުލުހުންގެ ޓީމަކާއެކުއެބޯޓު ކައިރިއަށް ދިޔައުރު ކެޕްޓަނާއެކު 14 ފަޅުވެރިން އޭގައި ތިއްބެވެ. އެ އެންމެންގެހާލުވެސް ރަނގަޅު ކަމަށް ފުލުހުން ބުނެއެވެ. ފުލުހުން ބުނެފައިވާ ގޮތުގައި މިބޯޓުސަލާމަތްވީ ހާލުގައި ޖެހުނުތާ ދެ މަސް ފަހުން ކަމަށެވެ. ނަމަވެސް އެބޯޓު ދަތުރުފެށީ ކޮންތާކުން ކަމެއްވެސް އަދި ދަތުރު ކުރަމުންދިޔައީ ކޮންތާކަށް ކަމެއްވެސްފުލުހުން ހާމަކޮށްފައެއް ނުވެއެވެ.

ދިވެހިސަލާމަތީ ބާރުތަކުންވަނީ އެބޯޓުގެ މީހުންނަށް ކާބޯތަކެއްޗާއި ފެންފޯރުކޮށްދީފައެވެ.

މިއަހަރުގެއޭޕްރީލް މަހުގެ ތެރޭގައި ދިވެހިންގެ ބަޔަކާ ގުޅިގެން މަސްތުވާތަކެތި އެތެރެކުރަންއުޅުނު އީރާނުގެ ބޯޓެއް ވެސް ސިފައިނާއި ފުލުހުން ގުޅިގެން އަތުލައިގެންފައިވެއެވެ. 

މީގެއިތުރުން އީރާނުގެ މަސްބޯޓް 2010 ވަނަ އަހަރު ވެސް ރާއްޖޭގެ ސަރަހައްދުންފެނިފައިވެ އެވެ.  އެ ބޯޓް ފެނުނުއިރު އޭތިއޮތީ އިންޖީނު ހުއްޓުމުގެ ސަބަބުން އޮޔާއެކު އައިސް ހުވަދު އަތޮޅާ ދިމާ ހުޅަނގުން ގާތްގަނޑަކަށް75  މޭލް ބޭރުގައެވެ. އެ ބޯޓުގައި 20 މީހުން ތިއްބެވެ.އަދި މިބޯޓުގެ ކެޕްޓަނާ ހަވާލާދީ އެމްއެންޑީއެފްއިން ބުނެފައިވަނީ އެ ބޯޓަކީ ހަމަސް ކުރިން ކަނޑުފޭރޭ ބަޔަކު ހިޞާރުކޮށްފައިވާ ބޯޓެއް ކަމަށެވެ.

ސިފައިންގެބެލުމުގެ ދަށަށް ބޯޓު ގެންދިޔަ އިރުވެސް އޭގައި ކަނޑު ފޭރޭ ހަތް މީހުން ތިއްބެވެ.ނަމަވެސް އެ ބޯޓުން އެއްވެސް ހަތިޔާރެއް ފެނިފައެއްނުވެ އެވެ. އެ ބޯޓު ވަނީ އީރާނުސަރުކާރާ ހަވާލުކޮށްފައެވެ.