ގަމު "ޕަރީފެންގަނޑު" ހިމާޔަތް ނުވެފައިވަނީ ކުރީގެ ކައުންސިލްގެ އެއްބާރުލުން ނުލިބިގެން: އީޕީއޭ

ހައްދުންމަތީ ގަމު ބޮޑުފެންގަނޑު (ޕަރީ ފެންގަނޑު) ހިމާޔަތްކުރުމުގެ މަސައްކަތް ނުކުރެވިފައިއޮތީ އެރަށުގެ ކުރީ ކައުންސިލުގެ އެއްބާރު ލެއްވުންނުލިބުމުގެ ސަބަބުން ކަމަށް އެންވަޔަރްމަންޓް ޕްރޮޓެކްޝަން އެޖެންސީ (އީޕީއޭ) އިންހާމަ ކުރައްވައިފިއެވެ.

އީޕީއޭގެ ޑިރެކްޓަރ ޖެނެރަލް އިބްރާހީމް ނަޢީމް ވިދާޅުވީއެފެންގަނޑު ހިމާޔަތް ކުރުމަށް އެތަނުން ބޭނުންވާ ކަމަށެވެ. ނަމަވެސް ކުރީގެކައުންސިލުން އެކަމަށް ތަރުހީބު ދެއްވާފައި ނުވާކަމަށެވެ.

"ކައުންސިލުން ފުރަތަމަ ޖެހެނީ އެފެންގަނޑު ހިމާޔަތްކުރުމުގެ ގަރާރެއް ފާސްކުރަން. އެފަހުން އީޕީއޭއިން އެތަން ބެލުމަށްފަހު، ފެންގަނޑުގެކުޑަބޮޑުމިނާއި އިތުރު ކަންކަން ބެލުމަށްފަހު ރިޕޯޓެއް ތައްޔާރު ކުރަންޖެހޭ.އެރިޕޯޓު ސޯޝަލް ކައުންސިލަށް ހުށަހަޅައިގެން އެތަން ހިމާޔަތް ކުރެވޭނީ،" ނަޢީމްވިދާޅުވިއެވެ. ނަމަވެސް އެރަށުގެ މިހާރުގެ ކައުންސިލާ އެވާހަކަ ދައްކާފައި ނުވާނެކަމަށް ނަޢީމް ވިދާޅުވިއެވެ.

އޭނާ ވިދާޅުވީ އެތަން ހިމާޔަތް ކުރުމަށްފަހު އެރަށަށްއާމްދަނީ ލިބޭނެ ވަސީލަތެއްގެ ގޮތުގައި އެތާ ކައިރީގައި ރެސްޓޯރެންޓެއް ހެދުމަށްވިސްނަވާ ކަމަށެވެ. ފެންގަނޑު ހިމާޔަތް ކުރުމަށްފަހު އެތަން ވެގެންދާނީ މީހުންހިތްއުފާ ކޮށްލުމަށް ޚާއްސަ ތަނަކަށް ކަމަށްވެސް އޭނާ ވިދާޅުވިއެވެ.

ނަޢީމުގެ މިވާހަކައަށް ގަމު މިހާރުގެ ކައުންސިލްގެރައީސް އަޙުމަދު ސަލާހު ވިދާޅުވީ އީޕީއޭ އިން އެފަދަ އެއްވެސް ހުށަހަޅުމެއްވެސްއެންގުމެއްވެސް އަންގަވާފައި ނުވާކަމަށެވެ. ކުރީގެ ކައުންސިލަށް އެކަން ހުށަހެޅިކަމެއް އެނގިވަޑައިގެންފައި ނުވާ ކަމަށް އޭނާ ވިދާޅުވިއެވެ. ނަމަވެސް އެފެންގަނޑުހިމާޔަތް ކުރުމަކީ އެކައުންސިލުން ބޭނުންވާ ކަމެއް ކަމަށް އޭނާ ވިދާޅުވިއެވެ.

ފެންގަނޑު ހިމާޔަތް ކުރުމަށްޓަކައި އެރަށުގައިމަސައްކަތް ކުރައްވާ އެމްއެންޑީއެފްގެ ބޭފުޅުންނާ ވާހަކަ ދައްކަވަމުންދާކަމަށްވެސް އޭނާ ވިދާޅުވިއެވެ. އެކަން ކޮށްދެއްވުމަށް ސިފައިންވަނީއެއްބަސްވެފައެވެ.

ސަލާހު ވިދާޅުވީ މިހާރު ކުރަންހެނީ ފެންގަނޑުސާފު ކުރުމުގެ މަސައްކަތެވެ. އެމަސައްކަތް ވަރަށް އަވަހަށް ފެށޭތޯ ބަލަމުންދާ ކަމަށެެވެ."އެފެންގަނޑަށްވަނީ ރުއްގަހުގެ ފަތާއި އެހެނިހެން ބާވަތްބާވަތުގެ ކުނިއެޅިވަރަށް ބޮޑަށް ހަޑިވެ ތަޣައްޔަރު ވެފައި. ފުރަތަމަ ކުރަންޖެހޭ ކަމަކީ އެތަންސާފުކުރުން. އެމަސައްކަތް ވަރަށް އަވަހަށް ފެށޭނެ ކަމަށް މިބަލަނީ،" އޭނާވިދާޅުވިއެވެ.

ސަލާހު ވިދާޅުވީ އެފެންގަނޑު ހިމާޔަތްކުރުމަށްފަހު ސަރަހައްދު ވަކި ކުރުމަށް ޗެންޗޭނު ޖަހާނެ ކަމަށެވެ. އަދިއެސަރައްދުގައިހުރި ހައްތެލި (ހަވިއްތަ) އާއި ކުދި އުސް ފަސްފުނިތައްވެސް ހިމާޔަތްކުރުމަށް ކައުންސިލުން މަސައްކަތްކުރާ ކަމަށެވެ.

ސަލާހު ވިދާޅުވީ ފެންގަނޑާއި، ހައްތެއްޔާބެހޭމައުލޫމާތު ކައުންސިލަށް ފޯރުވައި ދެއްވުމަށް ހެރިޓޭޖު ޑީޕާޓްމަންޓްގައި އެދިވަޑައިގެންފައިވާނެކަމަށެވެ. ފެންގަނޑު ހިމެނޭ ސަރަހައްދު ހިމާޔަތް ކުރުމުގެ ޕްލޭން އެކުލަވައިލާނީކަމާބެހޭ ފަންނީ މީހުން ލައްވައި ކަމަށްވެސް އޭނާ ވިދާޅުވިއެވެ. އެރަށުގައިހުރިތާރީޚީ މިފަދަ ތަންތަން ހިމާޔަތް ކުރުމަށް ކައުންސިލުން މަސައްކަތް ކުރައްވާނެކަމަށްވެސް އޭނާ ވިދާޅުވިއެވެ.

ސަލާހު ވިދާޅުވީ ފެންގަނޑު ހިމެނޭ ސަރަހައްދުހިމާޔަތް ކުރުމަށްފަހު އެތަނާ ބެހޭ މައުލޫމާތު ފެންނަ ގޮތަށް ބޯޑެއް ބަހައްޓާނެކަމަށެވެ. އަދި ސަރަހައްދުގައި ރެސްޓޯރެންޓެއް ހަދައި ރަށަށް އާމްދަނީ ލިބޭނެގޮތްވެސް ހޯދާނެ ކަމަށެވެ.

މިފެންގަނޑަކީ ވަރަށް ފުންތަނެއް ކަމަށް އެރަށުމީހުން ބުނެއެވެ. އެތަނުގެ ފުންމިން ބަލަންއުޅުނު އެއްވެސް ބަޔަކަށް މިހާތަނަށްއެނގިފައިނުވާ ކަމަށްވެސް އެރަށު މީހުން ބުނެއެވެ. އެރަށު މީހުންގެ ބަހުންއެތަނަށް ކިޔަނީ "ބޮޑު ފެންގަނޑު" އެވެ. ބައެއް މީހުން "ނަރަކަ ފެންގަނޑު"ވެސް ކިޔައެވެ. އަދި "ޕަރީ ފެންގަނޑު" ކިޔާ ކަމަށްވެސް ކައުންސިލްގެރައީސް ސަލާހު ވިދާޅުވިއެވެ.