ދިރާގު ރޯޑުރޭސްގައި ބައިވެރިވި ޑޮކްޓަރަކަށް ހީޓް ސްޓްރޯކެއް ޖެހި އައިސީޔޫގައި ފަރުވާދެނީ
6 ޖޫން 2014 19:26
ދިރާގު ރޯޑުރޭހުގެ ބައެއް ބައިވެރިން: ފޮޓޯ ޝިހާން
މިއަދު ހަވީރު ބޭއްވި ދިރާގު ރޯޑުރޭސްގައިބައިވެރިވި ޑޮކްޓަރަކަށް "ހީޓް ސްޓްރޯކެއް" ޖެހުމުގެ ސަބަބުން އޭޑީކޭހޮސްޕިޓަލުގެ އައިސީޔޫގައި ފަރުވާ ދެމުންދާ ކަމަށް އެތަނުން ހާމަ ކުރައްވައިފިއެވެ.
އޭޑީކޭ ހޮސްޕިޓަލުގެ މެނޭޖިން ޑިރެކްޓަރ އަޙުމަދުއަފްއާލް ވިދާޅުވީ އޭޑީކޭ ހޮސްޕިޓަލުގައި މަސައްކަތް ކުރައްވާ ޑޮކްޓަރަށް ހީޓްސްރޯކްޖެހުމުން އިމަޖެންސީގައި އެތަނަށް ގެނެސް ވަގުތުން ފަރުވާދޭން ފެށިކަމަށެވެ."އޭނާ ގެނައި އިރުވެސް ހެޔެއްނެތް. އޭނާގެ މިހާރުގެ ހާލަތު ވަރަށް ސީރިއަސް.ނަމަވެސް މަޑުމަޑުން ރަނގަޅުވަމުން އަންނަ ކަމަށް އޭނާއަށް ފަރުވާދޭ ޑޮކްޓަރުންގެޓީމުން ބުނޭ،" އަފްއާލް ވިދާޅުވިއެވެ.
މިއީ އޭޑީކޭގައި މަސައްކަތް ކުރައްވާ ބިދޭސީޑޮކްޓަރެކެވެ. ނަމަވެސް ބަލި މީހުންގެ މައުލޫމާތު ސިއްރު ކުރުމުގެ ގޮތުން އޭނާގެއަމިއްލަ އެއްވެސް މައުލޫމާތެއް އަފްއާލް ވިދާޅެއް ނުވިއެވެ.
އޭނާ ވިދާޅުވީ މިއީ ވަރަށް މަދުން ދިމާވާ ކަމެއްކަމަށެވެ. އޭޑީކޭއަށް ގެނެސް، ހިތާއި، ސިކުނޑިއާއި، އަދިވެސް މުހިންމު ޓެސްޓްތައްހެދިއިރު އެއްވެސް މައްސަލައެއް ހުރިކަމަށް ނުދައްކާ ކަމަށްވެސް އޭނާ ވިދާޅުވިއެވެ.އެކަމަކު މާދަމާ އިތުރު ޓެސްޓުތަކެއް ހެދުމަށްފަހު އޭނާއާ ބެހޭ އިތުރު މައުލޫމާތުދެއްވާނެ ކަމަށް ވިދާޅުވިއެވެ. މިއީ ހަށިގަނޑު ހަރަކާތް ކުރަން ފެށުމުން ހޫނުމިންމަތިވެގެން ގޮސް ދިމާވާ ކަމެއް ކަމަށްވެސް އަފްއާލް ވިދާޅުވިއެވެ.
ހީޓް ސްޓްރޯކް ޖެހުމަކީ އެކަމުގެ ނޭދެވޭ އަސަރުދިގުމުއްދަތަކަށް ކޮށްފާނެ ކަމެއް ކަމަށްވެސް އަފްއާލް ވިދާޅުވިއެވެ. އޭނާވިދާޅުވީ މި ޑޮކްޓަރަށް ރަނގަޅުވާނެ ކަމުގެ ވަރަށް ބޮޑު އުންމީދެއް އޭނާ ބައްލަވާޑޮކްޓަރުންގެ ޓީމަށް އެބައޮތް ކަމަށެވެ.
ކިޔުންތެރިންގެ ހިޔާލު