މަނާ ގަޑިތަކުގައި ދުއްވާ މީހުން 750 ރުފިޔާއިން ޖޫރިމަނާ ކުރާނަން: ޕޮލިސް
6 ޖޫން 2014 16:47
މަނާ ވަގުތުގައި ގަވާއިދާ ހިލާފަށް ދުއްވާ އުޅަނދުފަހަރު ދުއްވާ މީހުންނާމެދު ފިޔަވަޅު އަޅާނެކަމުގެ އިންޒާރު ފުލުހުން ދީފި އެވެ.
މިއަހަރުގެ ތިމާވެށީގެ ދުވަސް ފާހަގަކުރުމުގެ ގޮތުން މިއަދު ހަވީރު 4:00 އިން ފެށިގެން ރޭގަނޑު 7:00 އާ ހަމައަށް މާލޭގައި ފައިމަގުގައި އުޅޭގޮތަށް މާލޭ ސިޓީކައުންސިލުން ވަނީ ނިންމާފައެވެ. މިވަގުތުތަކުގައިގަވާއިދާ ހިލާފަށް ދުއްވާ އުޅަނދެއް 750 ރުފިޔާ އިން ޖޫރިމަނާ ކުރާނެ ކަމަށް ފުލުހުންވަނީ ބުނެފައެވެ.
އެއްގަމު އުޅަނދު ދުއްވުމުގެ ގާނޫނު ދަށުން ފައިމަގުގައި އުޅުމަށް ކަނޑައަޅާފައިވާ ވަގުތުގައި ދުއްވަން ހުއްދަ ދީފައިވަނީ، ސަލާމަތީ ބާރުތަކުން ބޭނުންކުރާ އިންޖީނުލީ އެއްގަމު އުޅަނދާއި، އެމްބިއުލާންސާއި، ހުއްދަދެވޭ ޓެކްސީ އާއި ޕިކަޕާއި، ޚާއްޞަ އެހީއަށް ބޭނުންވާ މީހުން ދުއްވުމަށް ޚާއްޞަ ކުރެވިފައި ހުންނަ ސައިކަލާއި، ޕަބްލިކް ޓްރާންސް ޕޯޓުގެ ގޮތުގައި ބޭނުންކުރާ ބަސް ފަދަތަކެއްޗަށެވެ.
މިކަމުގައި ޢާއްމު ރައްޔިތުން ފުރިހަމަ އެއްބާރުލުން ދެއްވުމަށް ފުލުހުންވަނީއެދިފައެވެ.
ކިޔުންތެރިންގެ ހިޔާލު