އިލެކްޝަންސް ކޮމިޝަނުގެ މިނިވަންކަން ސްޕްރީމް ކޯޓުން ވަނީ ނަގައިލައިފައި: އީޔޫ
5 ޖޫން 2014 20:29
ރާއްޖޭގައި އެންމެފަހުން ބޭއްވި ރިޔާސީ އިންތިޚާބުގެ ވޯޓު ގުނުމުގެ މަސައްކަތުގައި: ދުވަސް ފައިލްފޮޓޯ
ރައްޔިތުން މަޖިލީހުގެ އިންތިހާބުގައި ސްޕްރީމް ކޯޓުން އިލެކްޝަންސް ކޮމިޝަނުގެ މިނިވަންކަން ނަގާލާފައިވާ ކަމަށް ޔޫރަޕިއަން ޔޫނިއަން (އީޔޫ) ގެ އިލެކްޝަންސް އޮބަޒަވޭޝަން މިޝަނުން ބުނެފިއެވެ.
އެ މިޝަނުން މިހެން ބުނެފައިވަނީ، އެންމެފަހުން ރާއްޖޭގައި ބޭއްވި މަޖިލިސް އިންތިހާބު ކުރިއަށް ދިޔަ ގޮތުގެ މައްޗަށް ބަލާލައި އެކުލަވަލާފައިވާ ފައިނަލް ރިޕޯޓުގަ އެވެ.
ރިޕޯޓުގައި ބުނެފައިވަނީ އިންތިހާބު ފެށެން ދެ ހަފުތާއެއްހާ ކައިރިވެފައި ވަނިކޮށް، އިލެކްޝަންސް ކޮމިޝަނަރ މަގާމުން ދުރުކޮށްފައިވާ ކަމަށެވެ. އަދި އެކޮމިޝަންގެ ބައެއް މެމްބަރުންގެ މައްޗަށް ސްޕްރީމް ކޯޓުން ހުމްކޮށްފައިވަނީ ގާނޫނު އަސާސީއާ ޚިލާފަށް ކަމަށްވެސް ބުނެފައިވެއެވެ. އެއީ އިލެކްޝަންސް ކޮމިޝަނުގެ މިނިވަންކަމަށް ހުރަސް އެޅުނު ކަމެއް ކަމަށް ބުނެފައި ވެއެވެ.
ވޯޓުގަތުމުގެ އަމަލުތައް ފުޅާދާއިރާއެއްގައި ހިންގާފައިވާކަންވެސް އެރިޕޯޓުގައިވަނީ ބުނެފައެވެ. ދައުލަތުގެ މުދަލާއި، ތަކެތި ނަހަމަ ގޮތުގައި ކެމްޕޭނުގައި ބޭނުން ކޮށްފައިވާ ކަމަށްވެސް އީޔޫގެ ރިޕޯޓުގައި ބުނެފައިވެއެވެ.
ޤާނޫނު ހުއްދަކުރާ މިންވަރަށްވުރެ އިތުރަށް ކެންޑިޑޭޓުން ކެމްޕޭނުގައި ފައިސާ ޚަރަދުކޮށްފައިވާ ކަމަށްވެސް މިޝަނުން ބުނެފައިވެއެވެ. ކެމްޕޭނަށް ފައިސާ ހޯދާގޮތްތައް ބެލޭނެ އުސޫލެއް ހަމަޖެހިފައި ނުވާކަމަށްވެސް އެރިޕޯޓުގައިވަނީބުނެފައެވެ.
ކިޔުންތެރިންގެ ހިޔާލު