ކޮމިޓީތަކުގެ އަޣުލަބިއްޔަތު ސަރުކާރު ކޯލިޝަނަށް ލިބިއްޖެ
3 ޖޫން 2014 22:24
ރައްޔިތުންގެ 18 ވަނަ މަޖިލީހުގެ ފުރަތަމަ ޖަލްސާގައި ބައެއް މެމްބަރުން: ފޮޓޯ މަޖިލީސް
ރައްޔިތުންގެ މަޖިލީހުގެ ކޮމެޓީތަކުގެ މެޖޯރިޓީ ސަރުކާރު ހިންގާ ކޯލިޝަނަށް ލިބިއްޖެ އެވެ.
މަޖިލީހުގެ ތަފާތު ކޮމިޓީތަކަށް ސިޔާސީ ޕާޓީތަކުން މެމްބަރުން ހަމަޖެއްސިއިރު އެކަން ކުރަން އެކުލަވާލައިފައިވާ ވަގުތީ ކޮމެޓީން ވަނީ 11 ކޮމިޓީއަކުން ޕީޕީއެމަށް ފަސް ގޮނޑި ދިނުމަށް ނިންމާފައެވެ. އަދި އެއް ކޮމެޓީން ހަތަރު ގޮނޑި ދިނުމަށްވެސް ވަނީ ނިންމަފައިފައެވެ. ސަރުކާރު ކޯލިޝަނުގައި މިހާރު ހިމެނޭ ހަމައެކަނި ޕާޓީ އެމްޑީއޭއަށް އަށް ކޮމެޓީއަކުން އެއްގޮނޑި ދިނުމަށްވެސް ވަނީ ނިންމާފައެވެ.
އިދިކޮޅު އެމްޑީޕީއަށް ދިނުމަށް ނިންމާފައިވަނީ ނުވަ ކޮމެޓީއަކުން ފަސް ގޮނޑި އަދި އެއް ކޮމެޓީން ހަތަރު ގޮނޑިއެވެ. ޖުމްހޫރީ ޕާޓީއަށް 11 ކޮމެޓީން ކޮންމެ ކޮމެޓީއަކުން ދެ ގޮނޑި އަދި އެއް ކޮމެޓީން އެއް ގޮނޑި ދިނުމަށްވަނީ ނިންމާފަ އެވެ. އަދާލަތު ޕާޓީއަށް ލިބުނީ ދެ ކޮމެޓީއަކުން އެއް ގޮނޑި އެވެ.
ކިޔުންތެރިންގެ ހިޔާލު