ވައްކަމާއި ފޭރުން އަންނަނީ އިތުރުވަމުން: ޕޮލިސް
2 ޖޫން 2014 18:59
ވައްކަމާއި ފޭރުން އިތުރުވަމުން އަންނާތީ ގެތަކުގެ ސަލާމަތީ ކަންކަން ވަރުގަދަ ކުރުމަށް ފުލުހުން ވަނީ އިލްތިމާސް ކުރައްވާފައި
ވޯލްޑްކަޕާއި، ރޯދަމަސް ކައިވަމުންއަންނަވަރަކަށް ވައްކަމާއި ފޭރުން އިތުރުވާ ކަމަށް މޯލްޑިވިސް ޕޮލިސް ސާވިސް އިން ހާމަކުރައްވައިފިއެވެ.
ކަޅުތުއްލާ ކޮށީގައި މިއަދު ބޭއްވި ނޫސްވެރިންގެ ބައްދަލުވުމެއްގައިސެންޓްރަލް އޮޕަރޭޝަން ކޮމާންޑު ގެ ހެޑް ޗީފް ސްޕްރިޓެންޑެންޓް އޮފް ޕޮލިސް އަލީ ޝުޖާއުވިދާޅުވީ ފާއިތުވި ފަސްމަސްތެރޭގައި ވައްކަމާއި ފޭރުމުގެ މައްސަލަތައް މަދުވިކަމަށެވެ. ނަމަވެސް، އަނެއްކާ ވެސް މިފަދަ މައްސަލަތައް ރިޕޯޓުކުރާ މިންވަރުއިތުރުވެފައިވާ ކަމަށް އެނާ ވިދާޅުވި އެވެ.
މިފަދަ މައްސަލަތައް އިތުރުވެފައި ވުމުން މަގުމަތީގައިއުޅޭއިރު ފޭރޭމީހުންނަށް ސަމާލުވަށް އޭނާ އިލްތިމާސް ކުރެއްވި އެވެ. އަދި މީހުންދިރިއުޅޭ ތަންތަން ވެސް ވަގުންނަށް ނުވަދެވޭނެ ގޮތަށް ސެކިއުރިޓީ ވަރުގަދަ ކުރުމަށްއޭނާ އިލްތިމާސް ކުރެއްވި އެވެ.
ވޯލްޑްކަޕް ދުވަސްވަރާއި ، ރޯދަމަހު، ވައްކަމާއިފޭރުން އިތުރުކަށް ފުލުހުންގެ ރިކޯޑުތަކުން ދައްކަ އެވެ. ވޯލޯޑް ކަޕް ފެށޭނީމިހިނގާ ޖޫން މަހުގެ 12 ވަނަ ދުވަހު އެވެ. އަދި ރޯދަމަހުގެ ފުރަތަމަ ދުވަސްކަމަށްބަލެވެނީ މިމަހު 28 ވަނަ ދުވަހެވެ. މިހެންކަމުން ފުލުހުން ވަނީ ކުށްކުރުންމަދުކުރުމަށް އޮޕަރޭޝަނެއް ފަށައިފައެވެ. އެ އޮޕަރޭޝަނުގައި ވެހިކަލްތައް ބަލައިފާސްކުރުމާއި، ދަންވަރުގަޑީގައި މަގުމަތީގައި އުޅޭ މީހުން ވެސް ބަލައިފާސްކުރަމުން ގެންދާނެ ކަމަށް ފުލުހުންވަނީ ހާމަކުރައްވާފައެވެ.
އިއްޔެ ވެސް ފުލުހުން ވަނީ ނުއަގުގައި މޯބައިލްފޯނުތަކެއް ވިއްކަން އުޅުނު މީހަކު އަތުލައިގަނެފަ އެވެ. އޭނާގެ އަތުން ސެމްސަންގްބްރޭންޑްގެ ސްމާޓު ފޯނަކާއި ސޮނީ އެކްސްޕީރިއާ ޒެޑް ފޯނެއް ފެނިފައިވެ އެވެ. އަދިމަސްތުވާތަކެތި އަޅާފައި ހުރި ކަމަށް ތުހުމަތު ކުރެވޭ ރަބަރު ޕަކެޓެއް ވެސް ފެނިފައިވާކަމަށް ފުލުހުން ބުނެއެވެ.
ކިޔުންތެރިންގެ ހިޔާލު