ޕީޖީއަކަށް އައްޔަން ކުރުމަށް މައުމޫނާއި، މުހުތާޒުގެ ނަންމަޖިލީހަށް ފޮނުވައިފި
2 ޖޫން 2014 18:40
ޕްރޮސެކިއުޓަރ ޖެނެރަލް (ޕީޖީ) ކަމަށް އައްޔަނު ކުރުމަށް މައުމޫނު ހަމީދާއި، މުހުތާޒް މުޙްސިނު ނަން ރައީސުލްޖުމްހޫރިއްޔާ އަބްދުﷲ ޔާމީން ރައްޔިތުންގެ މަޖިލީހަށް މިއަދު ފޮނުވައިފިއެވެ.
ޕްރޮސެކިއުޓަރ ޖެނެރަލް އިސްތިއުފާ ދެއްވުމާއި ގުޅިގެން އެ މަގާމަށް ބޭފުޅަކު ހޯދުމަށް ރައީސް އޮފީހުން އިއުލާނު ކުރުމުން ޖުމްލަ ހަތް ބޭފުޅަކު އެކަމަށް ޝައުގުވެރިކަން ފާޅުކުރައްވާފައިވެ އެވެ.
އެބޭފުޅުންގެތެރެއިން މައުމޫނާއި މުހުތާޒުގެ ނަމުގެ އިތުރަށް އަނެއް ފަސް ބޭފުޅުންގެ ނަން ވެސް ވަނީ މަޖިލީހުގެ މައުލޫމާތަށްޓަކައި ފޮނުވާފަ އެވެ.
އެބޭފުޅުންނަކީ، މާފަންނު ވައިނުޖެހޭގޭ ޑޮކްޓަރ މަރްޔަމް ޒުލްފާ، މާޅޮސްމަޑުލު ދެކުނުބުރީ ހިތާދޫ ރަނައުރާގޭ އަލްއުސްތާޛާ އުއްމުކުލްޘޫމް އަބޫބަކުރު،ދަފްތަރު ނަންބަރު5514 އަލްއުސްތާޛާ ޢާއިޝަތު ފަޒްނާ އަޙްމަދު، ނިލަންދެއަތޮޅު ދެކުނުބުރީ މާއެނބޫދޫ މޫރިތި، އަލްއުސްތާޛު ޢަބްދުއްސައްތާރު ޢަބްދުލްޙަމީދު، ހުވަދުއަތޮޅު ދެކުނުބުރީ މަޑަވެލީ، މޭނާގޭ، އަލްއުސްތާޛު މަޙާޒު ޢަލީ ޒާހިރެވެ.
ޕްރޮސެކިއުޓަރ ޖެނެރަލްކަމަށް ބޭފުޅަކު ހޯދުމަށް ރައީސް އޮފީހުން އިއުލާނުކުރީ އެމަގާމު ކުރިން ފުރުއްވި އަހުމަދު މުއިއްޒު2013 ވަނަ އަހަރުގެ ނޮވެމްބަރު މަހު އިސްތިއުފާ ދެއްވުމުންނެވެ. މުއިއްޒު އިސްތިއުފާ ދެއްވިފަހުން ޕްރޮސެކިއުޓަރ ޖެނެރަލްގެ އޮފީސްހިންގެވުމާ ހަވާލުވެ ހުންނެވީ، ޑެޕިއުޓީ ޕީޖީ ހުސައިން ޝަމީމެވެ. ނަމަވެސް އޭނާ ވެސް ވަނީ މަގާމުގެ މަސްއޫލިއްޔަތު އަދާކުރުމުގައި ހުރަސްތަކެއް ހުރިކަމަށް ވިދާޅުވެ އިސްތިއުފާ ދެއްވާފަ އެވެ.
ކިޔުންތެރިންގެ ހިޔާލު