ޤާނޫނު ހަދަންޖެހޭނީ ޓެކްނިކަލް ލެވެލްގައި ވިސްނައިގެން: ޚަލީލް

ރައްޔިތުންގެ މަޖިލީހުގައި ޤާނޫނުތައްހަދަމުންދާއިރު އެކަން ކުރަންވާނީ ޓެކްނިކަލް ލެވެލްގައި ވިސްނައިގެން ކަމަށް ނިލަންދޫދާއިރާގެ މެމްބަރު ޢަބްދުﷲ ޚަލީލް މިއަދު ވިދާޅުވެއްޖެއެވެ.

އޭނާ ވިދާޅުވީ މަޖިލީހުން ހަދާ ކޮންމެ ޤާނޫނެއްވާންޖެހޭނީ ރާއްޖޭގެ މާޙައުލާ ގުޅޭ އަދި ރައްޔިތުންނަށް ފައިދާކުރާ ޤާނޫނަކަށްކަމަށެވެ. "ރާއްޖެ އުފެދިފައިވާ ގޮތަށް ބެއްޔަސް ލާމަރުކަޒީ ޤާނޫނަށްވެސްބޮޑު ބަދަލެއް ގެންނަން ޖެހޭ. މިހާރު އޮތް ގޮތުން ކައުންސިލް ތަކަށް ބޮޑުހޭދައެއްކުރަންޖެހޭ. އޭގެ ބަދަލުގައި އެފައިސާ ތަރައްގީގެ މަޝްރޫޢަކަށް ޚަރަދު ކޮށްފިނަމަރައްޔިތުންނަށް ކުރާ ފައިދާ ބޮޑުވާނެ،" އޭނާ ވިދާޅުވިއެވެ.

މިނިވަން މެމްބަރެއްގެ ގޮތުގައި މަޖިލީހަށްހޮވިވަޑައިގެންނެވި ޚަލީލް މިއަދުވަނީ ޕީޕީއެމްއަށް ސޮއިކުރައްވާފައެވެ. އޭނާވިދާޅުވީ "ޕީޕީއެމްއަށް ސޮއިކުރުމުގެ ކުރިން" ވެސް އޭނާއަކީ އެޕާޓީގެމެންބަރެއް ކަމަށެވެ. ނަމަވެސް މަޖިލީސް ގޮނޑިއަށް އިންތިޚާބުވެވަޑައިގެންނެވުމަށްފަހު ޕީޕީއެމްއާ ގުޅިވަޑައިގެންނެވީ ދާއިރާގެ ރައްޔިތުންނާވެސްވާހަކަ ދެއްކުމަށްފަހު އެމީހުންވެސް ބޭނުންވެގެން ކަމަށެވެ.

އޭނާ ވިދާޅުވީ ޕީޕީއެމްއަށް ސޮއިކުރެއްވީއެޕާޓީގެ މެނިފެސްޓޯ ކަމުދާތީ ކަމަށެވެ. "ޕީޕީއެމްގެ މެނިފެސްޓޯވަނީތަރައްޤީގެ ހުރިހާ ދިމާއަކަށް ފަތުރާލެވިފައި. ރައީސް ޔާމީންގެ އިޤްތިސާދީއެޖެންޑާ ރަނގަޅު. މަޖިލީހުން އެ އެޖެންޑާއަށް ރުހުން ދީފިއްޔާ ވަރަށް ރަނގަޅުވާނެ،"ޚަލީލް ވިދާޅުވިއެވެ.

އޭނާ ވިދާޅުވީ ޕީޕީއެމްގެ މެނިފެސްޓޯގައިރައްޔިތުންނަށް ލުއިފަސޭހަކަން ލިބިދާނެ ހުރިހާ ކަމެއް ހިމަނާފައިވާ ކަމަށެވެ. މިކަންކަމާއެކުތަޖުރިބާހުރި ސަރުކާރަކާއެކު މަސައްކަތް ކުރުމުގެ ފުރުސަތު ލިބުމުން ޕީޕީއެމްއަށް ސޮއިކުރެއްވީކަމަށް އޭނާ ވިދާޅުވިއެވެ.

ޚަލީލް ވިދާޅުވީ ޕާޓީތެރޭގައިވެސް އަދި މަޖިލީސްތެރޭގައިވެސް މަސައްކަތް ކުރައްވާނީ ޚިޔާލު ތަފާތުވާ ކަންކަމުގައި ޚިޔާލު އެއްގޮތްކޮށްގެން ޤައުމާއި ރައްޔިތުންގެ ފައިދާއަށް ކަމަށެވެ. "ކަމެއް ދިމާވާއިރަށްޕާޓީ ދޫކޮށްލުމަކީ ޙައްލެއްނޫން. ޚިޔާލު ތަފާތުވުންތައް ނައްތާލައި އުނިކަންފިލުވަމުން ކުރިއަށްދިޔުން އޮންނާނީ. ޕާޓީން މަޖިލީހަށް ކަމެއް ހުށަހެޅުމުގެކުރިން ޖެހޭނެ ހުރިހާ މެންބަރުންގެ ޚިޔާލު ބަލައި އެއްޚިޔާލަކަށް އެންމެންއަންނަން،" ޚަލީލް ވިދާޅުވިއެވެ.

އޭނާއަކީ ލާމަރުކަޒީ އުސޫލުން ހިންގުމާބެހޭގޮތުން ބުރޫނާއީ އިން ޕީއެޗުޑީއަށް ކިޔަވަމުންދާ ބޭފުޅެކެވެ. "މިހާރުމިއުޅެނީ ޕީއެޗުޑީގެ އެންމެ ފަހުމަރުހަލާގައި" އޭނާ ވިދާޅުވިއެވެ. ޚަލީލަކީނ. އަތޮޅާއި، އއ. އަތޮޅުގެ ވެރިކަން ކުރައްވާފައިވާ ބޭފުޅެކެވެ. އެންމެފަހުންއަދާކުރައްވާފައިވާ ސިވިލްސާވިސް ކޮމިޝަންގެ ސެކްރެޓަރީޖެނެރަލް ކަމުގެވަޒީފާއެވެ.

ޚަލީލު ޕީޕީއެމްއަށް ސޮއިކުރެއްވުމުންމަޖިލީހުގައި ތިއްބަވާ އެޕާޓީގެ މެންބަރުންގެ ޢަދަދު 38 އަށްއެރީއެވެ. އެޕާޓީގެކޯލިޝަން ޕާޓްނަރު އެމްޑީއޭގައި 5 މެންބަރުން އެބަތިބިއެވެ. އެހެން ކަމުންއެކޯލިޝަންގެ ޖުމްލަ މެންބަރުންގެ ޢަދަދަކީ 43 އެވެ. އިދިކޮޅު އެމްޑީޕީގައި ތިބީ25 މެންބަރުންނެވެ. ޖޭޕީގައި ތިބީ 15 މެންބަރުންނެވެ.

ރައްޔިތުންގެ މަޖިލީހުގެ ރައީސް ކަމަށް ޖޭޕީގެލީޑަރު ޤާސިމް އިބްރާހީމް ކުރިމަތި ލެއްވި ހިސާބުން ޕީޕީއެމް އިންވަނީ އެކޯލިޝަންރޫޅައިފައެވެ. ނަމަވެސް ރައީސް ޔާމީން މިއަދު ވިދާޅުވީ ޖޭޕީއާ މެދު ހިތްހެޔޮކަމަށެވެ. އަދި ޤާސިމް އިބްރާހީމަކީ އެމަނިކުފާނު ވަރަށް އިޙުތިރާމް ކުރައްވާބޭފުޅެއް ކަމަށެވެ.

ދާއިމީ ދުރުކަމެއް ނުބާއްވައި ސަރުކާރާއެކުމަޖިލީސްތެރޭގައި ޖޭޕީން މަސައްކަތް ކުރައްވާނެ ކަމަށް އުންމީދު ކުރައްވާކަމަށްވެސް ރައީސް ޔާމީން ވިދާޅުވިއެވެ.

މިހާރުވެސް އެމަނިކުފާނުގެ ސަރުކާރުގައި ޖޭޕީގެ 3ވަޒީރުން މަސައްކަތް ކުރައްވައެވެ. އެއީ ހޯމްމިނިސްޓަރ ޢުމަރު ނަސީރާއި،ތިމާވެށްޓާ ބެހޭ މިނިސްޓަރު ތާރިޤު އިބްރާހީމާއި، އިކޮނޮމިކް މިނިސްޓަރ މުޙައްމަދުސަޢީދެވެ. ކޯލިޝަން އެބަސްވުން އުވާލުމަށްފަހު ރައީސް ޔާމީންވަނީ ޓްރާންސްޕޯޓުމިނިސްޓަރު ކަމުން އަމީން އިބްރާހީމް ވަކި ކުރައްވާފައެވެ. މީގެ އިތުރަށްވެސްޖޭޕީއަށް ނިސްބަތްވާ ބައެއް މީހުންވަނީ މަގާމްތަކުން ވަކި ކުރައްވާފައެވެ.