ރައްޔިތުން ހިތްހަމަޖެހޭ މިންވަރަށް ސިއްޙީޚިދުމަތް ދެވޭނެ ކަމުގެ ޔަޤީންކަން އެބައޮތް: ނާއިބު ރައީސް
29 މޭ 2014 15:41
ނާއިބު ރައީސް ޑރ. ޖަމީލް: ފޮޓޯ ރައީސް އޮފީސް
ލަސްތަކެއްނުވެ ރާއްޖޭގެ ރައްޔިތުން ހިތްހަމަޖެހޭމިންވަރަށް ސިއްޙީ ޚިދުމަތް ދެއްވޭނެ ކަމުގެ ޔަޤީންކަންއެބައޮތް ކަމަށް ރާއްޖޭގެ ނާއިބު ރައީސް ޑރ. މުޙައްމަދު ޖަމީލް އަޙުމަދު މިއަދުވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ސީއެމްބިޔުލާންސްގެ ޚިދުމަތް ރަސްމީކޮށް ފެށްޓެވުމުގެ ގޮތުން ރަސްމީ ފާލަމުގައިމިއަދު ބޭއްވި ރަސްމިއްޔާތުގައި ވާހަަކަފުޅު ދައްކަވަމުންނެވެ.
އެމަނިކުފާނު ވިދާޅުވީ މި ނިޒާމު ހަރުދަނާ ކުރެއްވުމަށް ސަރުކާރުން ގެންދަވަނީ ވަރަށް ބުރަމަސައްކަތްތަކެއް ކުރައްވަމުން ކަމަށެވެ. އެމަސައްކަތުގެނަތީޖާ މިއަދު ފެންނަމުންދާކަމަށްވެސް އެމަނިކުފާނު ވިދާޅުވިއެވެ.
ޑރ. ޖަމީލް ވިދާޅުވީ ސީއެމްބިޔުލާންސްގެ ޚިދުމަތް ރާއްޖޭގެ އެންމެ ދެއަތޮޅަކަށް މިއަދު ތަޢާރުފުކުރިކަމަށްވިޔަސް ސަރުކާރުން އުންމީދުކުރައްވަނީ މިއަހަރު ނިމެންވާއިރަށް މުޅި ރާއްޖެއަށް މި ޚިދުމަތް ތަޢާރުފުކުރެއްވުމަށްކަމަށެވެ. މިއަހަރު ނިމެންވާއިރަށް 26 ލޯންޗާއެކު މުޅި ރާއްޖެއަށް މިޚިދުމަތް ތަޢާރުފު ކުރެއްވުމަށްސަރުކާރުން މަސައްކަތް ކުރައްވާ ކަމަށް އެމަނިކުފާނު ވިދާޅުވިއެވެ.
އެމަނިކުފާނު ވިދާޅުވީ މި ޚިދުމަތަކީ،ރާއްޖޭގެ އެކި ހިސާބުގައި އުޅެމުންދާ ރައްޔިތުންގެ "ފުރާނަ ސަލާމަތްކުރުމާއި" ލަސްނުކޮށް ރައްޔިތުންނަށް ފަރުވާ ހޯއްދަވައިދެއްވުމުގެނިޒާމް ހަރުދަނާ ކުރެއްވުމަށް ފެށްޓެވި ޚިދުމަތެއް ކަމަށެވެ. މިއީ، ސަރުކާރުގެ އެންމެ މުހިންމު އެއް ވަޢުދު ކަމަށާއި މި ޚިދުމަތަކީ އެވަޢުދުފުއްދުމަށް އެޅިގެންދިޔަ ފިޔަވަޅެއް ކަމަށްވެސް ނާއިބު ރައީސް ވިދާޅުވިއެވެ.
މި ޚިދުމަތް ތަޢާރުފުކުރުމުން ބަލިމީހާއަށް އެކަށީގެންވާ ފަރުވާލިބިދިނުމަށްޓަކައި ދާނޭ ދިމާއެއް ނޭނގި ހޭދަވާ ވަގުތު ކުޑަވެގެންދާނެކަމަށްވެސް ނާއިބު ރައީސް ވިދާޅުވިއެވެ. އަދި މާލެއަށް ބަލިމީހުން ގެނައުމަށް މިހާރު ދިމާވާމައްސަލަތައްވެސް ޙައްލުވާނެ ކަމަށްކަމަށްވިދާޅުވިއެވެ. މީގެ އިތުރަށް ޞިއްޙީ ކަންކަމަށް ކުރަމުންދާ ޚަރަދުވެސްމިހާރަށްވުރެ ކުޑަވެގެންދާނެ ކަމަށް ވިދާޅުވިއެވެ.
ރާއްޖޭގެ ޞިއްޙީ ނިޒާމުގައި މަސައްކަތްކުރައްވާ އެކި ފަރާތްތަކުން ރައްޔިތުންނަށް އެހީތެރިވެދެއްވަންޖެހޭކަމަށް ނާއިބު ރައީސް ޑރ. ޖަމީލް ވިދާޅުވިއެވެ. އެދާއިރާއަކީ ރައްޔިތުން އެންމެ ބޮޑަށް ޚިދުމަތް ބޭނުންވެފައިވާ ދާއިރާ ކަމަށްވެސްވިދާޅުވިއެވެ. ރާއްޖޭގެ ޞިއްޙީ ނިޒާމު ހިންގަވަން ތިއްބެވިބޭފުޅުންނަށް މިކަން އެނގިވަޑައިގަންނަވަންޖެހޭ ކަމަށްވެސް އެމަނިކުފާނު ވިދާޅުވިއެވެ.
"މި ދާއިރާއަށްބޭނުންވާ ޞިއްޙީ ސާމާނު ގެނެވިދާނެ. ޑޮކްޓަރުން ގެނެވިދާނެ. ސަރުކާރުން އޮނިގަނޑު ތަޢާރުފުކުރެވިދާނެ.އެމްބިއުލަންސް ލޯންޗް ކުރެވިދާނެ.އެކަމަކު އެއަށްވުރެ މުހިންމު ކަމަކީ، ޚިދުމަތުގައި ތިއްބެވި ބޭފުޅުން،މިތަންތަން މެނޭޖުކުރައްވަން ތިއްބެވި ބޭފުޅުން، މިތަންތަން ހިންގަވަންތިއްބެވި ބޭފުޅުން ޚާލިޞް ހިތަކާއެކީގައި މި މަސައްކަތް ކުރެއްވުމަށްތެދުވެވަޑައިގަތުން." އެމަނިކުފާނު ވިދާޅުވިއެވެ.
ކިޔުންތެރިންގެ ހިޔާލު