އަސާސީ ޚިދުމަތް ތަކާއެކު ސީއެމްބިޔުލާންސްގެ ޚިދުމަތް ފަށައިފި

އަސާސީ ޚިދުމަތް ތަކާއެކު ސީއެމްބިޔުލާންސްގެ ޚިދުމަތް ރަސްމީކޮށް މިއަދުފަށައިފިއެވެ. މިއީ ކުއްލި ޙާލަތުގައި ބަލިމީހާއަށް ފަރުވާ ދިނުމަށް ބޭނުންވާހޮސްޕިޓަލަކަށް ނުވަތަ ސިއްޙީމަރުކަޒަކަށް ގެންދިޔުމަށް ސަރުކާރުން ތަޢާރަފް ކުރިޚިދުމަތެކެވެ.

މިޚިދުމަތް ފުރަތަމަ ރަސްމީކޮށްތަޢާރަފް ކުރީ ރ. އަތޮޅާއި ދ. އަތޮޅަށެވެ.

ރަސްމީ ފާލަމުގައި މިއަދު ބޭއްވިރަސްމިއްޔާތެއްގައި ސީއެމްބިޔުލާންސްގެ ޚިދުމަތް ތަޢާރަފް ކޮށްދެއްވީ ރާއްޖޭގެނާއިބު ރައީސް ޑރ. މުޙައްމަދު ޖަމީލް އަޙުމަދެވެ. އެމަނިކުފާނުވަނީ ދ. އަތޮޅަށްޚިދުމަތް ފެށުމަށް ހަމަޖެހިފައިވާ އެމްބިޔުލާންސަށް ބޭނުންވާ ސާމާނު އޭގެ ކެޕްޓަނާޙަވާލު ކުރައްވައިފިއެވެ. އެމްބިޔުލާންސުން ޚިދުމަތްދޭނެ ގޮތްވެސް ނާއިބު ރައީސްބައްލަވައިލެއްވިއެވެ.

މިރަސްމިއްޔާތުގައި ހެލްތު މިނިސްޓަރޑރ. މަރިޔަމް ޝަކީލާ ވިދާޅުވީ މިއީ ކުއްލިއަކަށް ދިމާވާ ކަންކަމުގައި އެންމެކައިރިން ފަރުވާލިބޭނެ ތަނަކަށް ބަލިމީހާ ވާސިލް ކޮށްދިނުމަށް ސަރުކާރުން ތަޢާރަފްކުރެއްވި މުހިންމު ޚިދުމަތެއް ކަމަށެވެ. ކުއްލިއަކަށް ދިމާވާ ކަންކަމުގައި ފަރުވާހޯދުމަށް ހޮސްޕިޓަލަކަށް ދިޔުމަކީ ރައްޔިތުންނަށް ދިމާވެފައިވާ އެންމެބޮޑު އެއްމަސައްލަކަމަށްވެސް ޑރ. ޝަކީލާ ވިދާޅުވިއެވެ. އެހެން ކަމުން މިއީ ކޮންމެހެން ބޭނުންވާމުހިންމު ޚިދުމަތެއް ކަމަށްވެސް އެކަމަނާ ވިދާޅުވިއެވެ.

"ސަރުކާރުގެ އަމާޒަކީ އަތޮޅުތަކުގެތެރޭގައި ދިމާވާ ސިއްޙީ އިމަޖެންސީތަކުގައި ވަގުތުން ވަގުތަށް ފަރުވާގެ ޚިދުމަތްފޯރުކޮށްދިނުމަށް. ވަރަށް ކުޑަ ދުވަސްކޮޅެއްގެ ތެރޭގައި، އެންމެ ކައިރިން އެކަށޭނަފަރުވާ ލިބޭނެ މަރުކަޒަކަށް ބަލިމީހާ ބަދަލުކުރުން. ނުވަތަ ބަލިމީހާ އޮތް ހިސާބަށް ޑޮކްޓަރެއް ގެންދިއުމުގެ އިންތިޒާމްހަމަޖެއްސުން،" ޑރ. ޝަކީލާ ވިދާޅުވިއެވެ.

އެކަމަނާ ވިދާޅުވީ ރ. އަތޮޅާއި ދ.އަތޮޅަށް މިވަގުތު ޚިދުމަތް ފެށިކަމަށްވިޔަސް ސަރުކާރުގެ ލަނޑުދަނޑިއަކީމީހުންއުޅޭ ހުރިހާ އަތޮޅަށްވެސް މިޚިދުމަތް ތަޢާރަފްކޮށް ފުޅާކުރުމެވެ.

މިޚިދުމަތް ތަޢާރަފް ކުރިކަމަށްވިޔަސްރަށްރަށުގައި ސިފައިން ކުރަމުންދިޔަ ދަތުރުތައް ހުއްޓައުނުލާނެ ކަމަށްވެސްމިނިސްޓަރ ވިދާޅުވިއެވެ. މިޚިދުމަތް ފޯރުކޮށްދިނުމަށް ސީއެމްބިއުލާންސަށް ބަދަލުކުރަނީފުލުހުންނާއި އެމްއެންޑީއެފް އާއި ހެލްތު މިނިސްޓްރީގެ ދަށުގައި ހުރި ލޯންޗްތަކެވެ. ލޯންޗުތައްސީއެމްބިޔުލާންސަށް ބަދަލު ކުރެވޭ މިންވަރަކުން އެކިއަތޮޅުތަކަށް ފޮނުވަމުންދާނެކަމަށްވެސް ހެލްތުމިނިސްޓަރ ވިދާޅުވިއެވެ. މިއީ އެމްއެންޑީއެފްގެ ޚާއްސައެހީތެރިކަމެއް ލިބިގެން ހެލްތު މިނިސްޓްރީން ދެއްވާ ޚިދުމަތެކެވެ.

މިޚިދުމަތަކީ ރިޔާސީ ކެމްޕޭންތެރޭގައިރައީސް ޢަބްދުﷲ ޔާމީން ރައްޔިތުންނަށް ކުރެއްވި ވަޢުދެކެވެ. މިޚިދުމަތް ފެށުމުގެރަސްމިއްޔާތުގައި ހެލްތު މިނިސްޓަރ ޑރ. މަރިޔަމް ޝަކީލާއާއި، ޑިފެންސް މިނިސްޓަރކާނަލް (ރިޓަޔަރޑް) މުޙައްމަދު ނާޒިމާއި، އިކޮނިމިކް މިނިސްޓަރ މުޙައްމަދުސަޢީދާއި ޔޫތު މިނިސްޓަރ މަލީޙާއި، ރައީސް އޮފީހުގެ މިނިސްޓަރ ޢަބްދުﷲ އަމީންވެސްބައިވެރިވެ ވަޑައިގެންނެވިއެވެ.