މަޖިލީހުގެ ރައީސް ކަމަށް ކުރިމަަތިލާން ޤާސިމް ނިންމައިފި
27 މޭ 2014 20:17
މާދަމާ ފެށުމަށް ހަމަޖެހިފައިވާ ރައްޔިތުންގެ އައު މަޖިލީހުގެ ރައީސް ކަމަށް ޖުމްހުރީޕާޓީ (ޖޭޕީ) އިން ބޭފުޅަކު ކުރިމަތި ލައްވައިފިނަމަ ޕްރޮގްރެސިވް ކޯލިޝަނުން އެޕާޓީ ވަކިވާނެ ކަމަށް ޕީޕީއެމްއިން ފާސްކޮށްފައިވަނިކޮށް ޖޭޕީގެ ލީޑަރު ޤާސިމް އިބްރާހީމް އެމަގާމަށް ކުރިމަތި ލެއްވުމަށް ނިންމަފައިފިއެވެ.
ޤާސިމް މަޖިލީހުގެ ރައީސް ކަމަށް ކުރިމަތި ލެެއްވުމަށް ނިންމެވީ މިރޭ ބޭއްވި އެޕާޓީގެ ގައުމީހިބންގާ ކޮމިޓީގެ ބައްދަލުވުމުންނެވެ. ބައްދަލުވުމަށްފަހު ޖޭޕީން ބުނެފައިވަނީ ޤާސިމް ކުރިމަތި ލެއްވުމަކީ ކޯލިޝަން އެއްބަސްވުމާ ޚިލާފު ކަމެއް ނޫންކަމަށެވެ.
ޤާސިމް ވާދަ ކުރެއްވިޔަސް ކޯލީޝަނުން ވަކިވާން އެއްވެސް ކަމެއް ނުކުރާނެ ކަމަށްވެސް ޖޭޕީން މިރޭ ވަނީ ނިންމާފައެވެ.
އެމްޑީޕީންވެސް ވަނީ ޤާސިމަށް ތާއިދު ކުރުމަށް ނިންމާފައެވެ. އަދި ރީކޯ މޫސާމަނިކު ނާއިބު ރައީސަކަށް ވާދަ ކުރުމަށްވެސް އެމްޑީޕީންވަނީ ނިންމާފައެވެ.
ކިޔުންތެރިންގެ ހިޔާލު