އެމްޑީޕީ ޕީޖީ ގެ މަގާމްތަކަށް ކުރިމަތިލުމުގެ މުއްދަތު އިތުރުކޮށްފި

އަންނަ ޖޫންމަހު އެއްވަނަ ދުވަހު ބޭއްވުމަށް ހަމަޖައްސާފައިވާ އެމްޑީޕީގެ ޕާލިމެންޓްރީ ގްރޫޕް (ޕީޖީ) ގެ މަގާމްތަކަށް ކުރިމަތި ލުމުގެ ފުރުސަތު މިމަހުގެ 29 ވަނަ ދުވަހަށް އިތުރު ކޮށްފިއެވެ.

މިމުއްދަތު ހަމަވާނީ 29 ވަނަދުވަހު ހަވީރު 3.00 އަށެވެ. މިމުއްދަތު އިތުރުކުރި ސަބަބެއް އެމްޑީޕީން ހާމަކުރައްވާފައެއް ނުވެއެވެ.

ކުރިން އެޕާޓީންވަނީ މަގާމްތަކަށް ކުރިމަތިލުމުގެ މުއްދަތު މިއަދު ހަވީރު 3.00 އަށް ހަމަވާ ގޮތަށް ނިންމަވާފައެވެ. މިމަގާމްތަކަށް ކުރިމަތިލެވޭނީ އެމްޑީޕީގެ ޕާލިމެންޓަރީ ގްރޫޕްގެ މެންބަރުންނެވެ.

މިއިންތިޚާބުގައި ހޮވުމަށް ނިންމާފައިވަނި ޕީޖީގެ ލީޑަރާއި، 2 ޑެޕިޔުޓީ ޕީޖީއާއި، އަމީން އާއްމާއި، އަމީން އާއްމުގެ ނާއިބާއި، 3 ވިޕުންނެވެ.