މަތީތަޢުލީމް ޙާސިލް ކުރުމަށް އިތުރު ފުރަސަތުދޭނެ ކަމަށް އިންޑިއާއިން ބުނެފި

ދިވެހިކުދިން އިންޑިއާއިން މަތީތަޢުލީމް ހާސިލް ކުރުމުގެ ފުރުސަތު ދެއްވާނެ ކަމަށް އެގައުމުން ދީފިއެވެ.

އެޤައުމުގެ ބޮޑުވަޒީރު ނަރެންދުރަ މޯދީ ރާއްޖޭގެ ރައީސުލްޖުމްހޫރިއްޔާ ޢަބްދުﷲ ޔާމީނަށް މިކަމުގެ ޔަގީންކަން ދެއްވީ ބޮޑުވަޒީރުގެ ރަސްމީ ގެކޮޅުގައި މިއަދު ބޭއްވި ދެބޭފުޅުންގެ ބައްދަލުވުމެއްގައެވެ.

މީގެ އިތުރަށް ރާއްޖެއަށް އަންނަ އިންޑިއާގެ ފަތުރުވެރިން އިތުރުވަމުން އަންނަ ކަމަށްވެސް މޯދީ ވިދާޅުވިއެވެ. އެހެން ކަމުން އެގައުމުގެ ބައެއް ސަރަހައްދުގައި ރާއްޖޭގެ ފަތުރުވެރިކަން އިޝްތިހާރު ކުރުމާ ބެހޭގޮތުންވެސް ވާހަކަ ދެއްކެވިއެވެ. ރާއްޖޭގެ ފަތުރުވެރިކަން އިޝްތިހާރު ކުރަން ބޭނުންވާ ސަރަޙައްދުތަކުގައި، ޚާއްޞަކޮށް، ކެރެލާ، ގުޖްރާތުފަދަ ސަރަޙައްދުތައް ހިމެނެއެވެ.

މިމަސައްކަތަށްވެސް ފުރިހަމަ އެއްބާރުލެއްވުން ދެއްވާނެ ކަމުގެ ‏‏ޔަޤީންކަން ބޮޑުވަޒީރު މޯދީ ރައީސުލްޖުމްހޫރިއްޔާއަށް ދެއްވި ކަމަށް ރައީސް އޮފީހުން ހާމަކުރެއްވިއެވެ. ‏‏