ކޮމިޝަނަރ އޮފް ޕްރިޒަންސްގެ މަޤާމަށް މޫސާ ޢާޒިމް ޢައްޔަނު ކުރައްވައިފި
27 ޖެނުއަރީ 2014 20:15
މޯލްޑިވްސް ކަރެކްޝަނަލް ސަރވިސްގެ ކޮމިޝަނަރ އޮފް ޕްރިޒަންސްގެ މަޤާމަށް، ހެންވޭރު، ދިޔަދޫ، މޫސާ ޢާޒިމް މިއަދު ރައީސުލްޖުމްހޫރިއްޔާ ޢައްޔަނު ކުރައްވައިފިއެވެ.
އޭނާ މިހާތަނަށް ހުންނެވީ މޯލްޑިވްސް ކަރެކްޝަނަލް ސަރވިސްގެ ސުޕްރިންޓެންޑެންޓުގެ މަޤާމުގައެވެ. އޭގެ ކުރިން، ޑިޕާޓްމަންޓް އޮފް ޕެނިޓެންޝަރީ އެންޑް ރިހެބިލިޓޭޝަން ސަރވިސްގެ ޑެޕިއުޓީ ސުޕްރިންޓެންޑެންޓުގެ މަޤާމުވެސް އޭނާ ފުރުއްވާފައިވެއެވެ. އޭނާ އެމަގާމަށް އައްޔަން ކުރެއްވީ ކުރިން އެމަގާމުގައި ހުންނެވި މ. މާޔާ، އަހުމަދު ޝިހާން އެމަގާމުން ވަކިކުރައްވާފައެވެ.
މޫސާ ޢާޒިމަކީ، އޮސްޓްރޭލިއާގެ ޑިޕާޓްމަންޓް އޮފް ކަރެކްޝަނަލް ސަރވިސަސްއިން ކަމާގުޅޭ ތަމްރީނުތައް ފުރިހަމަ ކުރައްވާފައިވާ ބޭފުޅެކެވެ.
ރައީސް މިއަދު ވަނީ ހޯމްމިނިސްޓްރުގެ ނާއިބަކަށް ގދ. ތިނަދޫ، ދެވިނަގޭ، އަބްދުﷲ އަހުމަދު އައްޔަން ކުރައްވާފައެވެ.
ކިޔުންތެރިންގެ ހިޔާލު