މަތީތައުލީމާބެހޭ މަޖިލިސް އެކުލަވާލައި ރައީސަކަށް ޑރ. ޖަމީލް ހަމަޖައްސަވައިފި

މަތީތައުލީމާބެހޭ މަޖިލިސް އަލުން އެކުލަވާލެއްވުމަށްފަހު އެމަޖިލީހުގެ ރައީސަކަށް ރައީސުލްޖުމްހޫރިއްޔާގެ ނާއިބު ޑޮކްޓަރ މުހައްމަދު ޖަމީލު އަމަދު ރައީސުލްޖުމްހޫރިއްޔާ ހަމަޖައްސަވައިފިއެވެ.

މިމަޖިލީހުގައި ތަފާތު މިނިސްޓްރީތަކުން ބޭފުޅުންވަނީ އައްޔަން ކުރައްވާފައެވެ. އެގޮތުން ތައުލީމީ ދާއިރާއިން އައްޔަން ކުރައްވާފައިވަނީ ތައުލީމާބެހޭ ވަޒީރު ޑޮކްޓަރ އާއިޝަތު ޝިހާމެވެ. ސިއްހީ ދާއިރާއިން އައްޔަން ކުރައްވާފައިވަނީ މިނިސްޓަރ އޮފް ހެލްތު އެންޑް ޖެންޑަރ ޑޮކްޓަރ މަރްޔަމް ޝަކީލާ އެވެ. މީގެ އިތުރަށް މިނިސްޓަރ އޮފް ޔޫތު އެންޑް ސްޕޯޓްސްމުހައްމަދު މަލީހު ޖަމާލް ހަމަޖައްސަވާފައިވެއެވެ. އަދި ފިނޭންސް އެންޑް ޓްރެޜަރީ ދާއިރާއިން ހަމަޖައްސަވާފައިވަނީ މިނިސްޓަރ އޮފް ފިނޭންސް އެންޑް ޓްރެޒަރީ އަބްދުﷲ ޖިހާދެވެ.

މީގެ އިތުރަށް އިކޮނޮމިކް ޑިވެލޮޕްމަންޓް މިނިސްޓަރ މުޙަންމަދު ސަޢީދާއި، ފިޝަރީޒް މިނިސްޓަރ ޑޮކްޓަރ މުޙައްމަދު ޝައިނީއާއި، ތިމާވެއްތާބެހޭ މިނިސްޓަރ ޠާރިޤު އިބްރާހީމް ހަމަޖައްސަވާފައިވެއެވެ.

ފަންނީ އަދި އެކަޑަމިކް ދާއިރާއިން އައްޔަންކުރައްވާފައިވަނީ އިސްލާމިކް މިނިސްޓަރ ޑޮކްޓަރ މުޙައްމަދު ޝަހީމް ޢަލީ ސަޢީދާއި، ޑޮކްޓަރ ސިމާދު ސަޢީދާއި، ޑޮކްޓަރ އިބްރާހީމް ޙަސަންއެވެ. މަތީތަޢުލީމުދޭ ފަރާތްތަކުގެ ދާއިރާއިން އައްތަބް ކުރައްވާފައިވަނީ ދިވެހިރާއްޖޭގެ ޤައުމީ ޔުނިވަރސިޓީގެ ޗާންސެލަރ ޑޮކްޓަރ މުޙައްމަދު ޒާހިރު ޙުސައިނާއި، ވިލާކޮލެޖުގެ ރެކްޓަރ، ޑޮކްޓަރ އަޙްމަދު އަންވަރާއި، ނިސްޓަރ އޮފް އެޑިޔުކޭޝަންގެ ނާއިބު އަޒްލީން އަޙްމަދެވެ. މީގެ އިތުރަށް ޑިޕާޓްމަންޓްއޮފްހަޔަރ އެޑިޔުކޭޝަންގެ ޑިރެކްޓަރ ޖެނެރަލް ފާޠިމަތު ޢާމިރާވެސް ހިމެނިވަޑައިގެންނެވިއެވެ.

މިމަޖިލީހުގެ މަސައްކަތުގެ ތެރޭގައި ހިމެނެނީ ރާއްޖޭގައި ހިންގާ މަތީތައުލީމްދޭ މަރުކަޒުތަކަށް ވަނުމަށް ފެންވަރު ކަނޑައެޅުމާއި، ތައުލިމާ ބެހޭގޮތުން ސަރުކާރަށް ލަފާއެރުވުމެވެ.