ހިޒްބުﷲ އިން ދިން ހަމަލާއެއްގައި އިޒްރޭލުގެ ސިފައިންގެ ދެ މީހަކަށް އަނިޔާވެއްޖެ
8 އޮކްޓޯބަރ 2014 8:50
ހިޒްބުﷲ އިން ދިންހަމަލާއެއްގައި އިޒްރޭލު ސިފައިންގެ ދެ މީހަކަށް އަނިޔާވެފައިވާކަމަށް އެ ޖަމާއަތުން ބުނެފިއެވެ.
ހިޒްބުﷲއާއި ހަވަލާދީ "އަލްޖަޒީރާ" އިން ބުނެފައިވަނީ ބޮމެއް ގޮވާލައިގެން ދިން ހަމަލާ ދީފައިވަނީ އިޒްރޭލާ ލުބުނާނާ ގުޅޭ ސަރަހައްދުގެ ބޯޑަރު ބަލަހައްޓަމުން ދިޔަ އިޒްރޭލު ސިފައިންގެ ގުރޫޕަކަށް އަމާޒުކޮށްގެން ކަމަށެވެ.
ހަމަލާގެ ރައްދުގައި އިޒްރޭލުން ވަނީ ހިޒްބުﷲ ހަނގުރާމަވެރިންގެ ޕޯސްޓުތަކަށް މޯޓަރު ބަޑީގެ ހަމަލާތަކެއް ދީފައެވެ. އަދި އިޒްރޭލުން ބުނެފައިވަނީ އެ ޖަމާއަތުން ދިން ހަމަލާއަކީ އިޒްރޭލުގެ ބޯޑަރުން އެތެރޭގައި ދިން ހަމަލާއެއް ކަމަށެވެ. އެގައުމުގެ އުތުރު ބޯޑަރު ހިމާޔަތްކުރުމަށް މަސައްކަތްކުރާނެކަމަށް ވެސް ވަނީ ބުނެފައެވެ.
އިޒްރޭލާ ހިޒްބުﷲއާއި ދެމެދު 2006 ވަނަ އަހަރު ވެސް ހަނގުރާމަކޮށްފައިވެއެވެ. އެ ހަނގުރާމަ ހުއްޓާލާފައިވަނީ ޔުނައިޓެޑް ނޭޝަން (ޔޫއެން) މެދުވެރިގެން ކުރިއަށް ގެންދިޔަ މަޝްރަވާތަކަކަށްފަހުއެވެ. އެ ހަނގުރާމަ ކުރީ އިޒްރޭލުން ހިޒްބުﷲގެ ބާރުގެ ދަށުގައިވާ ސަރަހައްދަށް އިޒްރޭލު ސިފައިން އެރުމުންނެވެ.
ކިޔުންތެރިންގެ ހިޔާލު