ޣައްޒާގެ ރައްޔިތުން އެނބުރި އެމީހުގެ ގެދޮރަށް ބަދަލުވާން ފަށައިފި

ޖުލައި 8 ވަނަ ދުވަހުން ފެށިގެން ޣައްޒާގައި އިޒްރޭލާއި ހަމާސްއާއި ދެމެދު ކުރަމުން އަންނަ ހަނގުރާމަ މެދުކަނޑާލައި ސުލްހައިގެ މަޝްވަރާތައް ފެށުމާއެކު ޣައްޒާގެ ބައެއް ރައްޔިތުން އަނބުރާ އެމީހުންގެ ގެ ދޮރަށް ބަދަލުވާން ފަށައިފިއެވެ.

ހަނގުރާމައިގެ ހަމަލާތަކުން ސަލާމަތްވުމަށް ޣައްޒާގެ އެތައް ހާސް ރައްޔިތުންނެއް ވަނީ އދ ގެ ސްކޫލުތައް ފަދަ ތަންތަނުގައި ރެފިއުޖުވެފައެވެ. 

އިޒްރޭލާއި ހަމާސްގެ ސުލްހައިގެ ވާހަކަތަކުގެ އިސްރޯލެއް އަދާކޮށްފައިވަނި މިސްރުންނެވެ. ދެ ފަރާތުންވެސް އެންމެ ފުރަތަމަ ނިންމާފައިވަނީ 72 ގަޑީރަށް ހަނގުރާމަ މެދުކަނޑާލުމަށެވެ. އެހެންނަމަވެސް މަޝްވާރައް އިތުރަށް ހަރުދަނާވެ އިޒްރޭލާއި ހަމާސްއާއި ދެމެދު ސުލްހައިގެ ވާހަކަތައްފެށި ދާއިމީ ގޮތެއްގައި ހަނގުރާމަ މެދުކަނޑާލާފާނެކަމުގެ ކުލަވަރު ވަނީ ފެންނަންފަށައިވާ ކަމަށް އަލްޖަޒީރާއިން ބުނެއެވެ. އިޒްރޭލުގެ ކަންބޮޑުވުމަކީ އެގައުމަށް ހަމާސްއިން ދެމުން އަންނަ ރޮކެޓުހަމަލާތަކެވެ. ހަމާސްގެ ކަންބޮޑުވުމަކީ އަށް އަހަރު ވަންދެން އިޒްރޭލުން ޣައްޒާއަށް އަޅާފައިވާ ދަތިކުރުމުގެ ފިޔަވަޅުތަކެވެ. އިޒްރޭލުން އަޅާފައިވާ ދަތިކުރުމުގެ ފިޔަވަޅުތައް އުފުލުމުގެ ފެހި ސިގުނަލު މިހާރުވަނީ ފެންނަންފަށައިވަކަމަށް ވެސް އެ ނޫހުންބުނެއެވެ.  

އިޒްރޭލާއި ހަމާސްއާއި ދެމެދު ކުރި ހަނގުރާމައިގައި ފަލަސްތީނުގެ 1945 މީހުން ވަނީ ޝަހީދުވެފައެވެ. އޭގެތެރެއިން ގިނައީ އާންމުންނެވެ. އިޒްރޭލުން މަރުވެފައިވަނީ 67 މީހުންނެވެ. އޭގެތެރޭގައި ގިނައީ އިޒްރޭލު ސިފައިންނެވެ.