ހަމާސްއިން ރަހީނުކުރިކަމަށް ބުނި އިޒްރޭލުގެ ހަނގުރާމަވެރިއާ މަރުވެފައިވާކަމަށް އިޒްރޭލުން ބުނެފި

ހަމާސްއިން ރަހީނުކުރިކަމަށް ބުނި އިޒްރޭލުގެ ހަނގުރާމަވެރިއާ މަރުވެފައިވާކަމަށް އިޒްރޭލުން ބުނެފިއެވެ.

އިޒްރޭލުގެ ހަނގުރާމެވެރިއާ ހާދަރު ގޯލްޑިން ހަމާސްއިން ރަހީނުކުރި ފަހުން ހަނގުރާމައިގެ ތެރެއިން މަރުވެފައިވާކަމަށް އިޒްރޭލު ބުނެފިއެވެ. 

ނަމަވެސް މީގެ ކުރިން އިޒްރޭލުން ބުނެފައިވަނީ ހަމާސްގެ ބިންގަރާހެއް ހަލާކުކޮށްލުމަށް ގޮސް އުޅެނިކޮށް އޭނާ ހަމާސްއިން ރަހީނުކޮށްފައިވާކަމަށެވެ. ހުކުރުދުވަހުގެ ހެނދުނުން ފެށިގެން ތިން ދުވަހަށް ހަނގުރާމަ މެދު ކަނޑައިލުމަށް އިޒްރޭލާއި ހަމާސް އެއްބަސްވިއެވެ. އެެހެން ނަމަވެސް އެ އެއްބަސް ވުން އުވާލައި އިޒްރޭލުން އަލުން ހަމަލާތައް ފަށާފައިވަނީ އެ މީހުންގެ ހަނގުރާމަވެރިއާ ހިސޯރުކުރި ކަމަށް ބުނެއެވެ. 

"ގޯލްޑިން ވަނީ ހަމާސްއިން އޭނާ ރަހީނު ކުރިފަހުން ހަނގުރާމައިގެ ތެރެއިން މަރުވެފައި،" އިޒްރޭލުގެ އަސްކަރިއްޔާއިން ނެރުނު ބަޔާނެއްގައި ބުނެފައިވެއެވެ.

ޖުލައިމަހުގެ 8 ވަނަ ދުވަހުންފެށިގެން އިޒްރޭލުން ޣައްޒާއަށް ދެމުން އަންނަ ލާއިންސާނީ ހަމަކާތަކުގައި ފަލަސްތީނުގެ 1734 މީހުން ވަނީ މަރުވެފައެވެ. އޭގެތެރެއިން 398 މީހުންނަކީ ކުޑަކުދިންނެވެ. 209 މީހުންނަކީ އަންހެނުންނެވެ. އަދި 74 މުސްކުޅިން ވެސް ހިމެނެއެވެ. 

އިޒްރޭލުން 64 ސިފައިންނާއި އާންމުންގެ ތިން މީހުން މަރުވެފައިވެއެވެ.