އެއްވަސްވުން އުވާލައި އިޒްރޭލުން ޣައްޒާއަށް ހަމަލާދޭން ފަށައިފި

ޣައްޒާއަށް ދެމުންއަންނަ ހަމަލާތައް ތިން ދުވަހުގެ މުއްދަތަކަށް ހުއްޓާލުމަށް އދ އާއި އެމެރިކާއިން ހުށަހަޅާފައިވާ އެއްބަސް ވުމަށް އަމަލުކުރަން ފެށިތާ މާގިނައިރުތަކެއް ނުވަނީ އެއްބަސްވުން އުވާލާއި އިޒްރޭލުން އަނެއްކާވެސް ޣައްޒާއަށް ހަމަލާދޭން ފަށައިފިއެވެ.

އިޒްރޭލުން ޣައްޒާގައި ހިންގާ ލާއިންސާނީ އޮޕަރޭޝަން އަލުން ފެށިކަން އިއުލާނު ކުރީ އިޒްރޭލުގެ އަސްކަރިއްޔާގެ ތަރުޖަމާނު ލޫޓިނަންޓް ކާނަލް ޕީޓާރ ލާރނާ މިއަދު ބޭއްވެވި ނޫސްވެރިންގެ ބައްދަލުވުމެއްގައިއެވެ. 

އިޒްރޭލުގެ އުދުވާނު އަލުން ފެށިކަން ޕީޓާ އިއުލާނު ކުރުމުގެ އެތެރައް ގަޑީރެއް ކުރިން ފަލަސްތީނުގެ ސިއްހަތާއި ބެހޭ ވުޒާރާތަކުން ވަނީ އިޒްރޭލުން މިއަދު ވެސް ޣައްޒާގެ އެތައް ބަޔަކު މަރާލައިފައިވާކަން އިއުލާނުކޮށްފައެވެ.

އިޒްރޭލާއި ހަމާސްއިން އެއްބަވެފައިވަނީ ޖީއެމްޓީ ގަޑިން މިއަދު ހެނދުނު 5:00 އިން ފަށައިގެން 72 ގަޑީރަށް ހަނގުރާމަ ހުއްޓައިލައިގެން ތިބުމަށެވެ. 

އިޒްރޭލުގެ ޓޭންކުތަކުން މިއަދު ރަފާގެ އިރުމައްޗަށް ދީފައިވާ ހަމަލާތަކުގައި ޣައްޒާގެ 40 މީހުން ވަނީ މަރުވެފައެވެ. ރައްދުގައި ހަމާސުން ވެސް ވަނީ އިޒްރޭލަށް ރޮކެޓު ހަމަލާތަކެއް ދީފައިއެވެ. އެހެން ނަމަވެސް އިޒުރޭލު އެއްވެސް މީހަކު މަރުވިކަމަށް ރިޕޯޓުކޮށްފައެއްނުވެއެވެ. 

އެއްބަސްވުމާއި ހިލާފުވެ އެންމެ ފުރަތަމަ ޣައްޒާއަށް ހަމަލާދޭން ފަށާފައިވަނީ އިޒްރޭލުން ކަމަށް ހާމާސްއިން ބުނެއެވެ.

"އިޒްރޭލުން ހަމަލާދޭން ފެށުމުން ރައްދުގައި ޢައްޒާގެ ދިފާއުގައި ހަމަލާދޭން އަހަރުމެންނަށްނެޖުނީ. އަހަރުމެގް ހައްގެއް އަމިއްލަ ނަފްސުގެ ދިފާއުގައި މަސައްކަތްކުރުމަކީ. އަހަރުމެގް ރައްޔިތުންގެ މައްޗަށް ހިންގާ ގަތުލްއާންމު ހުއްޓުވުމަށް މަސައްކަތްކުރުމަކީވެސް އަހަރުމެން ކުރަންޖެހޭކަމެއް،" ހަމާސްގެ ތަރުޖަމާނު ފައުޒީ ބަރުހަމް ވިދާޅުވިކަމަށް "އަލް ޖަޒީރާއިން" ރިޕޯޓުކޮށްފައިވެއެވެ. 

އިޒްރޭލުން ވަނީ އެމީހުންގެ ހަނގުރާމަވެރިންތަކެއް ފަލަސްތީނުގައި ރަހީނުކޮށްގައިވާކަމަށް ވެސް ބުނެފައެވެ. އެހެން ނަމަވެސް އެކަމަށް އަދި ހަމާސްއިން ޖަވާބެއް ނުދެއެވެ. 

މިދިޔަ ޖުލައިމަހުގެ 8 ވަނަ ދުވަހު އިޒްރޭލުން ޣައްޒާއަށް ހަމަލާދޭން ފެށިފަހުން ފަލަސްތީނުގެ 1464 މީހުންވަނީ މަރުވެފައެވެ. އޭގެތެރޭގައި ގިނައަދަދަކަށް ކުޑަކުދިންނާއި އަންހެނުން ހިމެނެއެވެ. އިޒްރޭލުގެ ސިފައިންގެ ތެރެއިން މަރުވެފައިވަނީ 60 މީހުންނެވެ.