ޣަައްޒާގައި ހުރި އދ ގެ ސްކޫލަށް އިޒްރޭލުން އަނެއްކާވެސް ހަމަލާދީފި

ޢައްޒާގައި ހުރި އދ ގެ ސްކޫލަކަށް އިޒްރޭލުން އަނެއްކާވެސް ހަމަލާދީފިއެވެ.

މި ހާދިސާގައި 16 މީހުން މަރުވެފައިވާކަމަށް "އަލްޖަޒީރާ" އިން ބުނެއެވެ. އަދި 90 އަށްވުރެ ގިމަ މީހުން ޒަހަމްވެފައިވެއެވެ.

ޣައްޒާގައި ހަރަކާތްތެރިވާ އދ. ގެ ރެފިއުޖީ އެޖެންސީގެ މުވައްޒަފެއް "އަލްޖަޒީރާ" އަށް މައުލޫމާތު ދެމުން ބުނީ އިޒްރޭލުން ވައިގެ މަގުން ހަމަލާދީފައިވަނީ އެ ސްކޫލުގެ އަންހެން ކުދިން ބޭނުންކުރަން ހަދާފައި ހުރި ދެ ކުލާސްރޫމަކަށް ކަމަށެެވެ. މިއީ މި ހަފްތާ ތެރޭގައި އިޒްރޭލުން ޣައްޒާގައި ހުންނަ އދ. ގެ ސްކޫލުތަކަށް ހަމަލާދީފައިވާ ދެވަނަ ފަހަރެވެ.

އދ ގެ 80 އަށް ވުރެ ގިނަ ސްކޫލުތަކުގައި ފަލަސްތީނުގެ 18،000 އަށްވުރެ ގިނަ ރެފިއުޖީން ބޯހިޔާވަހިކަން ހޯދާފައިވާކަމަށް އދ ގެ ރެފިއުޖީ އެޖެންސީން ބުނެއެވެ.

އިޒްރޭލުމް ދެމުން ގެންދާ ހަމަލާތައް އިތުރަށް ވަރުގަދަ ކޮށްފައި ވާއިރު، 24 ގަޑީރަށް ހަނގުރާމަ ހުއްޓާލުމަށް ފަލަސްތީނުން އަންނަނީ މަސައްކަތް ކުރަމުންނެވެ. އިޒްރޭލުގެ އަމަލުތައް ހުރިގޮތުން ސުލްހައިގެ ވާހަކަތަކަށް ބުރޫއަރާނެކަމަށް "އަލްޖަޒީރާއިން" ބުނެއެވެ.އިޒްރޭލުން ޣައްޒާގެ ދިން ހަމަލާތަކުގައި މިއަދު ވެސް 35 މީހުން މަރުވެފައިވެއެވެ. އިޒްރޭލުން ޣައްޒާއަށް ހަަމަލާދޭން ފެށިފަހުން މިއަދަށް މިވަނީ 23 ދުވަސް ވެފައެވެ. އެހަމަލާތައް ފެށިފަހުން ފަލަސްތީނުން 1280 އަށް ވުރެ ގިނަ މީހުންވަނީ މަރުވެފައިވެއެވެ.