ހަމާސްގެ ހަނގުރާމަވެރިންގެ މައިންނާއި ދައްތައިން ރޭޕްކުރުމަށް އިޒްރޭލުގެ ޕްރޮފެއްސަރެއް ގޮވާލައިފި
23 ޖުލައި 2014 17:10
މޯދެޝާއީ ކެދާރު
ހަމާސްއިން ޔަހޫދީ އިސްތިއުމާރީ ދައުލަތަށް ހަމަލާދިނުން ހުއްޓާލާނީ ހަމާސްގެ ހަނގުރާމަވެރިންގެ މައިންނާއި ދައްތައިން ރޭޕްކުރުމުންކަމަށް ޔަހޫދީން ހިފާފައިވާ ތަލްއަބީބްގައި ހުންނަ ޔަހޫދީންގެ ބާރްލާން ޔުނިވާސިޓީގެ ޕްރޮފެއްސަރެއްކަމުގައިވާ މޯދެޝާއީ ކެދާރު ބުނެފިއެވެ.
މީނާ މިހެން ގޮވާލާފައިވަނީ ޔަހޫދީ ޞަޙްޔޫނީ އިސްތިއުމާރުގެ ރޭޑިއޯ ޗެނަލެއްކަމަށްވާ އިޒްރާއިލް ރޭޑިއޯ ބެޓްއަށް ދިން އިންޓަވިއުއެއްގައެވެ.
"ޖާނުންފިދާވުމުގެ ހަމަލާދޭ މީހަކު ހައްޔަރުކުރެވިއްޖެނަމަ އޭނާ ގުޑުވާލެވޭނީ އޭނާގެ މަންމަ ނުވަތަ ދައްތަ ރޭޕްކޮށްގެން،" މިކަލޭގެ މިއިންޓަވިއުގައި ބުނެފައިވެއެވެ.
"އަނެއްހެން ފެންނަ ފެނުމަށް މިއީ ނުބައިކަމެއްހެން ހީވިޔަސް މެދުއިރުމަތީގައި މިކަންކޮށްގެންވާނީ. އަހަރެމެން މިދިރިއުޅެމުން އަންނަ ޘަޤާފަތް އެބަޖެހޭ އިނގެން. އެމީހުން ގުޑާނީ އެކަންކޮށްގެން،" އޭނާ އިތުރަށް ބުންޏެވެ.
ކެދާރުއަކީ ޔަހޫދީ އަސްކަރީ ޖާސޫސް އިދާރާގައި 25 އަހަރު އުޅެފައިވާ މީހެކެވެ. ޚަބަރުތަކުން ބުނާގޮތުގައި މީނާއަކީ އިސްލާމީ ޖަމާޢަތްތަކާއި މެދު ދިރާސާކުރުމަށް ހުސްވެފައިވާމީހެކެވެ.
ކިޔުންތެރިންގެ ހިޔާލު