ތާލިބާނަށް ތާޢީދުކުރުމުން އިނގިރޭސިވިލާތުގެ ދެމުސްލިމުންނަށް އެމެރިކާއިން ޙުކުމްކޮށްފި

އޮންލައިންކޮށްނާއި، އަދި އެހެނިހެން ގޮތްގޮތުން ތާލިބާނުންނަށް ތާޢީދުކޮށް ތަފާތު އެކި ލިޔުންތަށް ލިޔެފައިވާތީ އިނގިރޭސިވިލާތުގެ ދެ މުސްލިމުން ޖަލަށްލުމަށް އެމެރިކާއިން ޙުކުމްކޮށްފިއެވެ.

މިދިޔަ ބުދަދުވަހު ބާބަރު އަޙްމަދުގެ މައްޗަށްވަނީ 12 އަހަރައީ 6 މަހަށް ޖަލަށްލުމަށް ޙުކުމްކޮށްފައެވެ. "އަޅުގަނޑު ނިންމިނިންމުމުން އަޅުގަނޑަށް ބާބަރ އަޙްމަދަކީ މުޖްތަމަޢުއަށް ނުރައްކަލެއްކަމަށް ނުބެލެވެއެވެ. އަދި އޭނާއަކީ ސީދާ އަލްޤާއިދާއާއި ގުޅިފައިވާ މީހެއްވެސް ނޫނެވެ. އެހެނެްނަމަވެސް ތާލިބާނުންނަށް ތާޢީދުކުރުމުގެ ސަބަބުން ބާބަރ އަޙްމަދުގެ މައްޗަށް 12 އަހަރާއި 6 މަސްދުވަހަށް ޖަލަށް ލުމަށް ޙުކުމް ކުރަމެވެ." ޙުކުމް އިއްވަމުން ފަނޑިޔާރު ޖެނެޓް ހޯލް ބުނެފައިވެއެވެ.

ސައްޔިދު ތަލްހާ އަހްސަންގެ މައްޗަށްވަނީ 15 އަހަރަށް ޖަލަށްލުމަށް ހުކުމްކޮށްފައެވެ. މިދެމުސްލިމުންވަނީ މީގެ ކުރިންވެސް އިނގިރޭސިވިލާތުގެ ޖަލުތަކުގައިއާއި އަދި އެމެރިކާގެ ޖަލުތަކުގައި ތާލިބާނަށް ތާޢީދުކުރުމުގެ ކުށުގައި 8 ވަރަކަށް އަހަރު ހޭދަކޮށްފައެވެ.

 ތާލިބާނުންނަށް ތާޢީދުކުރާ މުސްލިމުން ހުޅަނގުގެ ޤައުމުތަކުގައި ޖަލަށްލެވި އެކި ކަހަލަ އަނިޔާތަށް ތަޙައްމަލު ކުރަމުންދާއިރު، ދުނިޔޭގައި އޮތް އެންމެ ބޮޑު ޓެރަރިސްޓުން ކަމަށްވާ ޔަހޫދީ އިސްތިއުމާރަށް ތާޢީދުކުރާމީހުން ދަނީ ހުޅަނގުގެ ޤައުމުތަކުގެ އެކި ބޮޑެތި ގޮނޑިތައް ފުރަމުންނެވެ.