ޢިރާޤުގެ ރާފިޟީ ސަރުކާރުން ސުންނީންގެ 255 ޤައިދީން މަރާލާފި

ޢިރާޤުގައި އޮންނަ ޝީޢީންގެ ރާފިޟީ މަޛުހަބަށް ނިސްބަތްވާ އެމެރިކާގެ ގޮނޑިކޮއްކޮ ސަރުކާރުން ސުންނީންގެ 255 ޤައިދީން މަރާލާފައިވާކަމަށް ހިއުމަން ރައިޓްސް ވޮޗްއިން ހާމަކޮށްފިއެވެ.

ހިއުމަން ރައިޓްސް ވޮޗްއިން ހާމަކޮށްފައިވާ ގޮތުގައި ޢިރާޤުގެ ސަރުކާރުންނާއި އަދި ސަރުކާރާއި ގުޅިފައިވާ އަސްކަރީ ޖަމާޢަތްތަކުން ޖޫން 9 ވަނަ ދުވަހުން ފަށައިގެން އެއްވެސް ޙައްޤަކާ ނުލާ ސުންނީން މަރަމުން އަންނަކަމުގެ ހެކި އެޖަމާޢަތަށް ލިބިފައިވާކަމަށެވެ.

އެޖަމާޢަތުން އިތުރަށް މައުލޫމާތު ދޭގޮތުގައި ސުންނީންގެ ކުށެއްނެތް ރައްޔިތުން ޢިރާޤުގެ އަނިޔާވެރި ސަރުކާރުން މަރާލާފައިވަނީ ބަޑިޖަހައިގެންނާއި، އަލިފާން ރޯކޮށްލައިގެންނާއި އަދި ޖަލުގެ ގޮޅިތަކަށްލާފައި އެތަނުގެ ތެރެއަށް އަތުބޮން އުކައިގެންނެވެ.

މެދުއިރުމަތީގެ މަސްރަހު ދިރާސާކުރާ ފަރާތަކުން ބުނާގޮތުގައި މިއީ ދައުލަތުލް އިސްލާމްއިން ޢިރާޤުގެ ބޮޑު ބައެއް ފަތަޙަކުރުމާއި ގުޅިގެން އޭގެ ބަދަލުހިފުމުގެ ގޮތުން ކޮށްފައިވާ ކަމެއްކަމަށް ބެލެވޭކަމަށެވެ.