އިޒްރޭލާއި ފަލަސްތީނާއި ދެމެދު ބަދަލުކުރަމުން އަންނަ ހަމަލާތައް ހުއްޓާލުމަށް އދ އިން ގޮވާލައިފި
13 ޖުލައި 2014 9:25
ފަލަސްތީނު ރައްޔިތެއް ރޮނީ: ފޮޓޯ ބީބީސީ
މިމަހުގެ އަށް ވަނަ ދުވަހުން ފެށިގެން އިޒްރޭލާއި ފަލަސްތީނާއި ދެމެދު ބަދަލުކުރަމުން އަންނަ ހަމަލާތައް ހުއްޓާލައި ދެ ގައުމުން ވެސް ސުލްހަވެރިވުމަށް އދ ގެ ސެކިއުރިޓީ ކައުންސިލުން ގޮވާލައިފިއެވެ.
ދެ ގައުމުގެ މެދުގައި ސުލްހަވެރިކަން ގާއިމް ކުރުމަށް ގޮވާލުމަށް ފާސްކޮށްފައިވަނީ އެ ކައުންސިލުގައި ހިމެނޭ 15 މެމްބަރުގެ އިއްތިފާގުންނެވެ. މިއީ އިޒްރޭލާއި ފަލަސްތީނު މައްސަލައިގައި އެ ކައުންސިލުގެ ހުރިހާ މެމްބަރުން އެއްގަލަކަށް އެރި ފުރަތަމަފަހަރެވެ. ގަރާރު ފާސްކުރުމަށް އެ ކައުންސިލަށް ހުށަހަޅާފައިބަނީ ޖޯޑަރުންނެވެ. އެހެން ނަމަވެސް އިޒްރޭލާއި ގާތް ގުޅުމެއް އޮންނަ އެމެރިކާއިން ވެސް އެ މައްސަލައިގައި އަރަބި ގައުމުތަކާއި އެއްބައިވެފައިވާކަމަށް ބީބީސީން ބުނެއެވެ.
އިޒްރޭލުން ފަލަސްތުނުގެ ޢައްޒާއަށް ދީފައިވާ ހަމަލާތަކުގައި މިހާތަނަށް ވަނީ 159 މީހުން މަރުވެފަ އެވެ. އަދި ހާހަކަށްވުރެ ގިނަ ފަލަސްތީނު މީހުންނަށް ވަނީ އަނިޔާވެފައެވެ. އޭގެތެރޭގައި ގިނައީ އާންމުންނެވެ. ގިނައަދަދަކަށް ކުޑަކުދިންނާއި އަންހެނުންވެސް ހިމެނެއެވެ. އެހެން ނަމަވެސް އިޒްރޭލުން ބުނަމުން ގެންދަނީ އެމީހުންގެ ހަމަލާތައް އަމާޒު ކުރަނީ "ޓެރަރިސްޓު" ހަނގުރާމަވެރިން ދިރިއުޅޭ ސަރަހައްދުތަކަށް ކަމަށެވެ.
އިޒްރޭލުން ދެމުން ގެންދާ ހަމަލާތަކުގެ ބަދަލުގައި ޣައްޒާއިން ވެސް އަންނަނީ ރައްދުގައި ރޮކެޓު ހަމަލާތައް ދެމުންނެވެ. ހަމަލާތަކުގައި މިހަތަނަށް ފަސް މީހަކަށް އަނިޔާވެފައިވާ ކަމަށް އިޒްރޭލުން ވަނީ ބުނެފައެވެ. ދެ މީހެއްގެ ހާލު ސީރިއަށް ކަމަށް އެ ގައުމުން ބުނެއެވެ. އެެހެން ނަމަވެސް މިހާތަނަށް އެގައުމުގެ އެއްވެސް މީހަކު މަރުވެފައެއް ނުވެއެވެ.
އިޒްރޭލުން މިއަދު ވަނީ ޣައްޒާގެ ފުލުހުންގެ މަރުކަޒަކަށް ހަމަލާދީފައެވެ. އަދި އެގައުމުން ދިން ހަމަލާއެއްގައި ޢައްޒާގެ އެއް އާއިލާގެ 17 މީހުން ވަނީ މަރުވެފައެވެ.
ކިޔުންތެރިންގެ ހިޔާލު