ބައިނަލްއަގުވާމީ ޕްރެޝަރަށް ހަމަލާދިނުން ނުހުއްޓާނަން: އިޒްރޭލު

ބައިނަލްއަގުވާމީ ގޮތުން އިޒްރޭލަށް ކިތަންމެ ޕްރެޝަރެއް ކުރިކަމުގައިވިއަސް އިޒްރޭލުން ފަލަސްތީނަށް ހަމަލާދިނުން ނުހުއްޓާނެކަމަށް އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ވިދާޅުވެއްޖެއެވެ.

ނަތަންޔާހޫ މިއަދު ވިދާޅުވެފައިވަނީ މިދިޔަ އަންގާރަ ދުވަހުން ފެށިގެން ފަލަސްތީނަށް 1000 އަށްވުރެ ގިނަ ހަމަލާ ދީފައިވާކަމަށެވެ. އަދި މިހާރު ދެމުން ގެންދާ ހަމަލާތަކަކީ އިޒްރޭލުން 2012 ވަނަ އަހަރު ދިން ހަމަލާތަކަށްވުރެ ދެ ގުނަ ވަރުގަދަ ހަމަލާތަކެއްކަމަށްވެސް އެނާ ވަނީ ވިދާޅުވެފައިވަކަމަށް ބީބީސީ ބުނެއެވެ.

ފާއިތުވީ ހަތަރު ދުވަހުގެ ތެރޭގައި 100 އަށްވުރެ ގިނަ ރައްޔިތުން މަރުވެފައިވާކަމަށް ފަލަސްތީނުން ވަނީ ބުނެފައެވެ. އޭގެ ތެރޭގައި ގިނައަދަކަށް އަންހެނުންނާއި ކުޑަކުދިން ވެސް ހިމެނޭކަމަށް ފަލަސްތީނުން ބުނެއެވެ.

އިޒުރޭލުން ދެމުން އަންނަ ހަމަލާތަކުގެ ރައްދުގައި ޣައްޒާގެ ހަނގުރާމަވެރިން ވެސް އަންނަނީ އިޒްރޭލަށް ރޮކެޓު ހަލާތައް ދެމުންނެވެ.

އިޒްރޭލުގެ ޕްރައިމް މިނސްޓަރާއި އެމެރިކާގެ ރައީސް ބަރަކް އޮބާމާ ވަނީ ފޯނުން ގުޅުއްވައި ފަލަސްތީނަށް ދެމުން ގެންދާ ހަމަލާތައް ހުއްޓަލުމަށް އެދިލައްވާފައެވެ. އަދި ޖާމަނީގެ ޗާންސެލަރ އެންޖެލާ މާކެލް ވެސް ވަނީ ހަމަލާތައް ހުއްޓާލުމަށް އެދިލައްވާފައެވެ. މީގެ އިތުރުންވެސް އދ އާއި ޔޫރަޕުގެ ގައުމުތަކުގެ އިސްވެރިން ވެސް ވަނީ ހަމަލާތައް ހުއްޓާލުމަށް އެދިފައެވެ. ފަލަސްތީނުގެ 100 އަށްވުރެ ގިނަ މީހުން މަރުވެ 675 މީހުން ޒަހަވެފައިވާރިއު އިޒްރޭލުން ބުނަނީ އޭގެ ތެރޭގައި ގިނައީ "ޓެރަރިސްޓުން" ކަމަށެވެ.