ސެމްސަންގް ކުންފުނީގެ ފައިދާ 25 ޕަސަންޓު ދަށަށްދާނެ
8 ޖުލައި 2014 10:33
މި ކުއާޓާގައި މޯބައިލް ފޯނު އުފައްދާ އެނެމް ބޮޑު ކުންފުނި ކަމުގައިވާ ކޮރެއާގެ ސެމްސަންގް ކުންފުނީގެ ފައިދާ 25 ޕަސަންޓަށް ދަށަށް ދާނެކަމަށް އެ ކުންފުނިން އަންދާޒާ ކޮށްފިއެވެ.
އެ ކުންފުނީގެ ފައިދާ ދަށަށް ދާނެ ކަމަށް ލަފާކޮށްފައިވަނީ ދެ ސަބަބެއް މެދުވެރިވެގެނެވެ. ފުރަތަމަ ސަބަބަކީ ސްމާޓުފޯނުގެ މާކެޓަށް މަޑުޖެހުމެއް އައިސްފައި އޮތުމެވެ. ދެވަނަ ސަބަބަކީ ކޮރެއާގައި ބޭރު ފައިސާގެ އަގު ދަށަށް ދިއުމެވެ.
މިއަހަރުގެ އޭޕްރީލް މަހުން ޖޫން މަހާއި ހަމަށް ލިބޭނެކަމަށް އެ ކުންފުނިން ލަފާކޮށްފައިވަނީ 7.2 ޓްރިލިއަން ޑޮލަރެވެ. ނަމަވެސް މިދިޔައަހަރު އެ ކުންފުންޔަާސް މި ކުއާޓަރ ގައި 9.5 ޓްރިލިއަން ޑޮލަރު ހޯދާފައިވެއެވެ. މިއީ ސެމްސަންގް ކުންފުނީގެ ފައިދާ ޖެހިޖެހިގެން ދަށަށްދިޔަ ތިންވަނަ ކުއާޓާއެވެ.
ސެމްސަންގެ ފަދަ އެކްޕޯޓަށް ބަރޯސާ ކުންފުނިތަކަށް އެ ކުންފުންޏެއް ހުންނަ ގައުމެއްގައި ބޭރު ފައިސާގެ އަގު ވެއްޓިއްޖެނަމަ ގެއްލުން ވާނެއެވެ. ޖޫން މަސް ނިމުނުއިރު ކޮރެއާގައި އެމެރިކާ ޑޮލަރުގެ އަގު ވަނީ 11 ޕަސަންޓަށް ދަށްވެފައެވެ. އަދި ޔޫރޯގެ އަގު ވަނީ 7 ޕަސަންޓަށް ދަށްވެފައެވެ.
ކިޔުންތެރިންގެ ހިޔާލު