މުސްލިމުގެ އައު ހިލާފަތެއް އިއުލާނުކޮށްފި

އިރާގާއި ސީރިއާގެ ހަނގުރާމަކުރާ އިސްއިސް ހަނގުރާމަވެރިން އިސްލާމީ ހަލީފާއެއް މިއަދު އިއުލާނުކޮށްފިއެވެ.

އިސްއިސް ހަނގުރާމަވެރިން ހަލީފާއެއްގެ ގޮތުގައި އިއުލާނު ކޮށްފައިވަނީ އެމީހުންގެ ލީޑަރު އަބޫބަކުރު އަލް ބަޣްދާދީއެވެ.

އިސްއިސް ހަނގުރާމަވެރިން އާންމުކުރި އޯޑިއޯ މެސެޖުގައި ވަނީ "ޑިމޮކްރަސީ އާއި ހުޅަނގުގެ ކުނި ހިޔާލުތައް ގަބޫލުނުކުރުމަށް" ގޮވާލައިފައެވެ. އަދި މީހުންގެ ހަލީފާއާއި ހުރިހާ މުސްލިމުން ގުޅުމަށް ވެސް ވަނީ ގޮވާލައިފައެވެ.

އަލަށް އުފެއްދި އިސްލާމީ ހިލާފަތުން އިއުލާނުކޮށްފައިވާ ގޮތުގައި ސީރިއާ އަދި އިރާގުގައި ހަނގުރާމަކުރާ ހަނގުރާމަވެރިންނާއި ދުނިޔާގެ ހުރިހާ މުސްލިމުގެ ވެރިއަކީ މީގެފަހުން އަބޫބަކުރު އަލް ބަޣްދާދީއެވެ.

އިރާގު ސަރުކާގެ ކުރުދީ ސަރުކާރުގެ ސިފައިން ނާއި ސުންނީ ހަނގުރާމަވެރިންނާއި އިރާގުގައި ވަރުގަދަ ހަނގުރާމަތަކެއް މިހާރުވެސް އަންނަނީ ކުރަމުންނެވެ. އަދި ސީރިޔާގެ ސަރުކާރާއި ވެސް އެގައުމުގެ ހަނގުރާމަވެރިން އަންނަނީ ހަނގުރާމަ ކުރަމުންނެވެ. 

އިރާގުގެ ކުރުދީ ސަރުކާރަށް އެހީވުމުގެ ގޮތުން ރަޝިއާގެ ހަނގުރާމަމަތީ މަތިންދާބޯޓުތަކެއް އިއްޔެ ވަނީ އިރާގަށް ފޮނުވާފައެވެ. އަދި އެމެރިކާއިން ވެސް އަންނަނީ އިރާގު ސަރުކާރުން ސުންނީ މުސްލިމު ހަނގުރާމަވެރިންނާއި ދެކޮޅަށް ކުރަމުން އަންނަ ހަނގުރާމައަށް އެހީތެރިވަމުންނެވެ.