އަފްޣާންގެ ރިޔާސީ ކެންޑިޑޭޓެއް ކަމަށްވާ ޢަބްދުﷲ ޢަބްދުﷲ އަށް ދިން ހަމަލާއަކުން އޭނާ ސަލާމަތްވެ ވަޑައިގެންފި
6 ޖޫން 2014 23:55
އަފްޣާނިސްތާނުގެ ރިޔާސީ ކެންޑިޑޭޓަކަށްއަމާޒުކޮށް ދިން ޖާނުން ފިދާވުމުގެ ހަމަލާއަކުން ސަލާމަތްވެ ވަޑައިގެންފިއެވެ.
ޢަބްދުﷲ ޢަބްދުﷲ އަށް ދިން ޖާނުން ފިދާވުމުގެހަމަލާއިން އެނާއަށް އެއްވެސް ގެއްލުމެއްނުވެ ސަލާމަތްވިޔަސް އޭނާގެ ބޮޑީގާޑަކާއި،އާންމުގެ ތިން މީހަކު ވަނީ މިހަމަލާގައި މަރުވެފައެވެ.
ޢަބްދުﷲ އަށް މިހަމަލާ ދީފައިވަނީ މިމަހު 14 ވަނަދުވަހު އަފްޣާނިސްތާނުގެ ރިޔާސީ އިންތިހާބުގެ ދެވަނަ ބުރު ބޭއްވުމަށް ތައްޔާރުވަމުންދަނިކޮށްނެއެވެ. ދެވަނަ ބުރުގައި ޢަބްދުﷲ އާއި ވާދަކުރައްވަނީ ވޯލްޑް ބޭންކުގެކުރީގެ އިކޮނޮމިސްޓެއް ކަމަށްވާ، އަޝްރަފް ޣާނީ އެވެ. ޣާނީ ވަނީ ޢަބްދުﷲ އަށް ދިންހަމަލާ ކުށްވެރިކުރައްވައި ޓްވީޓު ކުރައްވާފައެވެ.
ތާލިބާނުން ވަނީ އިންތިހާބުގެ ދެވަނަ ބުރުބޭއްވިޔަ ނުދޭނެ ކަމަށް ބުނެފައެވެ. އެހެންނަމަވެސް ޢަބްދުﷲ އަށް ދިން ހަމަލާގެޒިންމާ އެއްވެސް ޖަމާއަތަކުން އުފުލާފައެއް ނުވެއެވެ.
ކިޔުންތެރިންގެ ހިޔާލު