އަލިފާން ފަރުބަދައެއް ގޮވުމުން ޑާވިންއަށް އުދުހޭ ފުލައިޓުތައް ހުއްޓާލައިފި
1 ޖޫން 2014 2:11
އިންޑޮނޭޝިއާގައި އަލިފާން ފަރުބަދައެއް ގޮވައިގެން އުފެދުނު ދުމުގެ "ވިލާގަނޑެއް" ގެ ސަބަބުން އޮސްޓްރޭލިއާގެ ޑާވިންއަށް އުދުހޭ "ފުލައިޓުތައް" ހުއްޓާލައިފި އެވެ.
ޑާވިން އަކީ އޮސްޓްރޭލިއާގެ އުތުރު ޓެރިޓަރީގެ ވެރިކަންކުރާ ރަށެވެ. އަދި އެރަށް އޮންނަނީ އިންޑޮނޭޝިއާއާ ދިމާއަށެވެ. އިންޑޮނޭޝިއާގައި 130 އަށްވުރެ ގިނަ "އެކްޓިވް" އަލިފާން ފަރުބަދަ މިހާރުވެސް އަބަހުއްޓެވެ. އަލިފާންފަރުބަދަ ގޮވުމުގެ ސަބަބުން އުފެދިފައިވާ ދުމުގެ ވިލާގަނޑުގެ ސަބަބުންް އޮސްޓްރޭލިއާގައި އެތައް ސަތޭކަ ޕަސެންޖަރުންނަށް ވަނީ އެމީހުންގެ ދަތުރުތައް ކެންސަލްކުރަންޖެހިފަ އެވެ.
ކުރިއަށް އޮތް ދުވަސްތަކުގައި އޮސްޓްރޭލިއާގެ އެހެން ސަރަހައްދު ތަކުގައި ހުރި އެއާޕޯޓުތަކަށް ވެސް ދުމުގެ ވިލާގަނޑުގެ އަސަރު ކުރުން އެކަށީގެންވާ ކަމަށް ކަމާބެހޭ އިދާރާތަކުން ބީބީސީއަށް މައުލޫމާތު ދީފައިވެއެވެ.
ކުރިއަށް އޮތް 24 ގަޑީރުތެރޭގައި އެ އަލިފާން ފަރުބަދައިގެ ހަރަކާތްތައް ދެނެގަތުމަށް އިދާރާތަކަށް އަދި ވަނީ ނުކުޅެދިފައެވެ.
ކިޔުންތެރިންގެ ހިޔާލު