ރޭޕްކުރި ކުދިންހޯދަން އެއްބާރުލުން ނުދިން ދެ ފުލުހަކު ވަޒީފާއިން ވަކިކޮށްފި
1 ޖޫން 2014 4:26
އިންޑިއާގައި ދެ އަންހެންކުދިން ރޭޕުކޮށް ދަންޖެއްސި ހާދިސާގައި އެ ދެ ކުދިން ހޯދުމަށް އެއްބާރުލުން ނުދިން ދެ ފުލުހަކު ވަޒީފާއިން ވަކިކޮށް އެމީހުންގެ މައްޗަށް ދައުވާ ކުރުމަށް ނިންމައިފިއެވެ.
މި ހާދިސާގައި މަރާލާފައިވާ ކުއްޖެއްގެ ބައްޕަ ބީބީސީ އަށް ބުނެފައިވަނީ އެކުދިން ގެއްލިގެން ހޯދުމަށް ފުލުހުންގެ އެހީތެރިކަމަށް އެދުމުން އެކަމަށް ފާޅުގައި ދެކޮޅު ހަދާފައިވާ ކަަމަށެވެ. އޭނާ ބުނެފައިވަނީ ފުލުހުން އެނާގެ ދަރިފުޅު ހޯދުމަށް ދެކޮޅު ހަދާފައިވަނީ އޭނާގެ އާއިލާއަކީ ނަސަބުގެ ގޮތުން ދަށު ދަރަޖައިގެ ބައެއްކަން އެނގުމުން ކަމަށެވެ.
އިންޑިއާގެ އޮފިޝަލުން ވިދާޅުވެފައިވަނީ، އެ މައްސަލައިގައި މިހާތަނަށް ތިން މީހަކު ހައްޔަރު ކޮށްފައިވާކަމަށެވެ. އިތުރު ދެ މީހަކު ހޯދުމުގެ މަސައްކަތް ވެސް ކުރަމުންދާކަމަށެވެ. މި މައްސަލަ ބެލުމަށް އިންޑިއާއިން ވަނީ އެކަމަށް ޚާއްސަ ކޯޓެއްވެސް ކަނޑައަޅައިފައެވެ.
މި ހާދިސާގައި ރޭޕުކޮށް މަރަލާފައިވަނީ އުމުރުން14 އަހަރުގެ އަންހެން ކުއްޖަކާއި އުމުރުން 15އަހަރުގެ އަންހެން ކުއްޖެކެވެ. މި ދެ ކުދިން ގެއްލިގެން ހޯދަން ފަށާފައިވަނީ އަންގާރަ ދުވަހުގެ ރެ އެވެ. ދެ ބޭންގެ ދެދަރި ކުޑަ ދެ އަންހެންކުދިން ރޭގަނޑު ވަގުތުގައި އެމީހުން ދިރިއުޅޭގެއިން ނުކުމެފައިވަނީ އެމީހުން ދިރިއުޅޭގޭގައި ފާޚާނާއެއް ނުހުންނާތީ ފާޚާނާ ކުރުމަށެވެ. އެހެންނަމަވެސް ޖެހިގެން އަައި ދުވަހު ދެކުދިން ފެނިފައިވަނީ ރޭޕުކޮށްލުމަށްފަހު ދަންޖައްސާފައި ތިއްބައެވެ.
ފުލުހުން ހާމަކޮށްފައިވާ ގޮތުގައި މިދެކުދިން ރޭޕްކޮށްފައިވަނީ 5 މީހުންއެއްބައިވެގެންނެވެ.
ކިޔުންތެރިންގެ ހިޔާލު