ޔޫކުރޭނު ހެލިކޮޕްޓަރެއް ވައްޓާލައި 14 މީހުން މަރާލައިފި

ޔޫކުރޭނު ސިފައިންގެ ހެލިކޮޕްޓަރެއް ވައްޓާލައި އެއިން ދަތުރުކުރި 14 މީހުން މަރާލައިފި އެވެ.

މި ހަމަލާއަކީ، ޔޫކުރޭން ސަރުކާރަށް ތާއިދުކުރާ މީހުންނާއި ރަޝިއާއަށް ތާއީދުކުރާ އެގައުމުގެ ރައްޔިތުންގެ މެދުގައި އުފެދުނު ހަމަނުޖެހުންތަކަށްފަހު ހަނގުރާމަވެރިންގެ ފަރާތުން ދިން އެންމެ ނުރައްކާތެރި ހަމަލާއެވެ.

ޔޫކުރޭނުގެ އިންތިގާލީ ރައީސް، އޮލެކިޒެންޑަރ ތުރްޗީނޯވް މިއަދު ވިދާޅުވީ، ހެލިކޮޕްޓަރު ވައްޓާލައިފައިވަނީ ރަޝިއާއިން އުފައްދާފައިވާ، އެންޓި އެއާ-ކްރާފްޓް ސިސްޓަމެއް ބޭނުންކޮށްގެން ކަމަށެވެ.

ރަޝިއާއަށް ތާއީދުކުރާ ހަނގުރާމަވެރިންނާއި، ޔޫކުރޭނު ސިފައިންނާއި ދެމެދު ވަނީ ފާއިތުވި ހަފްތާގެ ތެރޭގައި ވަރުގަދަ ހަމަލާތަކެއް ބަދަލުކޮށްފައެވެ.

އަލަށް އިންތިޚާބުވެ ވަޑައިގެންނެވި ޔޫކުރޭނުގެ ރައީސް ޕެޓްރޯ ޕްރޮޝެންކޯ ވެސް ވަނީ ޔޫކުރޭނާ ވަކިވެގެންފައިވާ ހަނގުރާމަވެރިން ބަލިކުރާނެ ކަމަށް ވައުދުވެ ވަޑައިގެންފައެވެ.

ރަޝިއާއަށް ތާއީދުކުރާ ހަނގުރާމަވެރިން ވަނީ މިމަހުގެ ކުރީކޮޅުގައިވެސް ޔޫކުރޭނުގެ ދެ ހެލިކޮޕްޓަރު ވައްޓާލައި އެއިން ދަތުރުކުރި ދެ މީހަކު މަރާލައިފައެވެ.