ލުބްނާނުގައި ޤައުމީ އެއްބައިވަންތަކަމުގެ ސަރުކާރެއް ޤާއިމްކޮށްފި
15 ފެބްރުއަރީ 2014 23:35
ސަލާމް
ލުބްނާނުގެ ބޮޑުވަޒީރު ތަމާމް ސަލާމް އެޤައުމުގައި ޤައުމީ އެއްބައިވަންތަކަމުގެ ސަރުކާރެއް ޤާއިމްކޮށްފިއެވެ.
ބޮޑުވަޒީރުކަމަށް އައްޔަނު ކުރިތާ އަދި 10 މަސްދުވަސްވެސް ނުވާ ސަލާމް ޤާއިމްކޮށްފައިވަނީ 24 މެމްބަރުންގެ މައްޗަށް އެކުލަވާލެވިފައިވާ ސަރުކާރެކެވެ. އޭނާ ވަނީ ޝީޢީ ސިޔާސީ ޕާޓީ ޙިޒްބުﷲ ގެ ކުރީގެ ބޮޑުވަޒީރު ސާދް ޙަރީރީއަށް ތާޢީދުކުރާ ސުންނީންނާއި އެއްބައިވަންތަ ކުރުވާފައެވެ.
މިއަދާ ހަމައަށް ސަލާމަށް ކެބިނެޓެއް ޤާއިމް ނުކުރެވިފައިވަނީ އަވަށްޓެރި ސޫރިޔާގައި ފެށިފައިވާ މަދަނީ ހަނގުރާމައިގެ ސަބަބުން ލުބްނާނުގައި އުފެދިފައިވާ ސިޔާސީ ބައިބައިވުންތަކުގެ ސަބަބުންނެވެ.
"10 މަސްދުވަހުގެ ބުރަ މަސައްކަތާއި ކެތްތެރިކަމަށްފަހު، ޤައުމީ މަސްލަޙަތު ރައްކާތެރިކުރާނެ ސަރުކާރެއް މިވަނީ ލުބްނާނުގައި ޤާއިމްވެފައި،" ބޮޑު ވަޒީރު ސަލާމަށް ހަވާލާދީ އޭއެފްޕީއިން ބުނެފައިވެއެވެ.
"ލުބްނާނަށް މިހާރު ކުރިމަތިވެފައިވާ ހުރިހާ ގޮންޖެހުންތަކުގެ ޙައްލަކީ އެއްބައިވަންތަކަމުގެ ސަރުކާރެއް ޤާއިމްކުރުން. މިއަދު އަޅުގަނޑުމެން މިވަނީ ޤައުމީ އެއްބައިވަންތަކަމުގެ ސަރުކާރެއް ޤާއިމްކޮށްފައި،" ސަލާމް ހާމަކުރެއްވިއެވެ.
ކިޔުންތެރިންގެ ހިޔާލު