ސީރިޔާގެ އިދިކޮޅު ހަނގުރާމަވެރިންގެ ދެލީޑަރުން އަލްޤައިދާއިން މަރާލައިފި
3 ފެބްރުއަރީ 2014 1:02
ސީރިޔާގެ ޚުދުމުޚްތާރު ވެރިޔާ ބައްޝާރުލް އަސަދުގެ އަނިޔާވެރި ސަރުކާރާ ދެކޮޅަށް ހަނގުރާމަ ކުރަމުން އަންނަ އެޤައުމުގެ އިދިކޮޅު މުސްލިމު ހަނގުރާމަވެރިންގެ ދެލީޑަރުންނާއި އިތުރު ހަނގުރާމަވެރިން އަލްޤާއިދާއިން ދިން ޓެރަރިޓް ހަމަލާއެއްގައި މަރުވެއްޖެއެވެ.
ލިވާއުއްތަޥްޙީދުގެ ލީޑަރު، ޢަދްނާން ބަކުރު މިހަމަލާގައި މަރުވެފައިވާކަމަށް ޚަބަރުތަކުން ބުނެއެވެ. ދާޢީޝްގެ ނަމުގައި ސީރިޔާގައި ހަރަކާތްތެރިވަމުން އަންނަ އަލްޤާއިދާއިން ދިން މިޖާނުން ފިދާވުމުގެ ހަމަލާގައި 26 މުސްލިމުން މަރުވެފައިވެއެވެ.ޖަބަހާ އިސްލާމިއްޔާއާއި އެކު ބައްޝާރާއި ދެކޮޅަށް ހަނގުރާމަ ކުރަމުންއަންނަ ލިވާޢުއް ތަޥްހީދުގެ ހަނގުރާމަވެިރންނަށް އަމާޒުކޮށްގެން ދިން މިޖާނުން ފިދާވުމުގެ ހަމަލާގެ ޒިންމާ ދާޢިޝްގެ ޓެރަރިސްޓުންވަނީ ނަގާފައެވެ.
މިޞްރުގައި ޖަމާލް ޢަބްދުއްނާޞިރްގެ ޒަމާނުގައި އެޤައުމުގައި އުޅުނު އިޚްވާާނުލް މުސްލިމީންގެ ވާހަކަ ދެއްކުންތެރިއެއްކަމުގައިވާ ސައްޔިދު ޤުތުބް ލިޔެފައިވާ މައާލިމްފިއްތަރީޤް އަކީ އެމީހުންގެ މެނިފެސްޓޯކަމަށް ބަލާ އަލްޤާއިދާއިން ދެކޭގޮތުގައި އެމީހުންގެ ޖަމާޢަތާއި ދެކޮޅަށް އަޑުއުފުލާ ކޮންމެ މީހަކީ އެމީހެއްގެ ލޭހުއްދަވެފައިވާ މުރްތައްދެކެވެ.
ކިޔުންތެރިންގެ ހިޔާލު