ތައިލޭންޑުގެ ސަރުކާރާ އިދިކޮޅު އެކްޓިވިސްޓެއްގެ ގަޔަށް ބަޑިޖަހައި މަރާލައިފި
26 ޖެނުއަރީ 2014 21:22
ތައިލޭންޑުގެ ސަރުކާރާ ދެކޮޅަށް ކުރަމުންދިޔަ މުޒާހަރާއެއްގައި ވާހަކަ ދައްކަމުންދިޔަ އިދިކޮޅު އެކްޓިވިސްޓެއްގެ ގަޔަށް ބަޑިޖަހައި މަރާލައިފިއެވެ.
ތައިލޭންޑުގެ ނެޝަނަލް ޕޮލިސްގެ ތަރުޖަމާނު ޕިޔާ އުތާޔޯ ހާމަކުރިގޮތުގައި މަރާލާފައިވަނީ އެޤައުމުގެ މަޝްހޫރު އެކްޓިވިސްޓެއް ކަމުގައިވާ ސުތިން ތަރަތިންއެވެ. ސުތިންއަށް ދިން މިހަމަލާގައި މަދުވެގެން ފަސް މީހަކު ޒަޚަމްވެފައިވާ ކަމަށްވެސް އުތާޔޯ މައުލޫމާތު ދީފައިވެއެވެ.
"ލޮރީއެއްގެ މައްޗަށް އަރައި މުޒާހަރާގެ ބައިވެރިންނާ ވާހަކަ ދައްކަމުން ދަނިކޮށް ސުތިން މަރާލާފައިވަނީ. އޭނާ މަރާލާފައިވަނީ ބޮލަށް ބަޑިޖަހައިގެން،" މުޒާހަރާގެ ތަރުޖަމާނެއް ކަމުގައިވާ އަކާނަތު ޕްރޮފާން އޭއެފްޕީއަށް ކިޔައިދިނެވެ.
"ސަރުކާރުމިވަނީ ފޭލިވެފައި. ސަލާމަތާއި ރައްކާތެރިކަން މިވަނީ މިޤައުމުން ބީވެގެން ގޮސްފައި. އެކަމަކު ކުއްލި ހާލަތު އިއުލާންކޮށްފައި މިއޮތީ،" ޕްރޮފާން އިތުރަށް ހާމަކުރިއެވެ.
ކިޔުންތެރިންގެ ހިޔާލު