އަފްޣާނުގެ ޑިފެންސް މިނިސްޓްރީގެ މުވައްޒަފުންތަކެއް މަރާލައިފި
26 ޖެނުއަރީ 2014 21:18
އަފްޣާނިސްތާނުގެ ކާބުލްގައި ތާލިބާނުންގެ ހަނގުރާމަވެރިޔަކު ޖާނުންފިދާވުމުގެ ހަމަލާއެއްދީ އެޤައުމުގެ ޑިފެންސް މިނިސްޓްރީގެ ތިން މުވައްޒަފަކު މަރާލައިފިއެވެ.
ޑިފެންސް މިނިސްޓްރީގެ ބަހަކަށް އަމާޒުކޮށްގެން ދިން މިހަމަލާގައި އެބަހުގައި ތިބި މިނިސްޓްރީގެ ތިން މުވައްޒަފުންގެ އިތުރަށް މަގުމަތީގައިހުރި އަންހެނަކުވެސް ވަނީ މަރުވެފައެވެ.
ޚަބަރުތައް ބުނާގޮތުގައި މިހަމަލާގައި 4 މީހުން މަރުވެފައިވާއިރު މަދުވެގެން 9 މީހަކަށްވަނީ އެކިވަރުގެ އަނިޔާ ލިބިފައެވެ.
"ޖާނުންފިދާވުމުގެ މިހަމަލާދިން މީހާ ދިޔައީ ފައިމަގުގައި. ދެން އޭނާ ބަސްކައިރިއަށް މަޑުކޮށްލައިގެންހުރެ އަމިއްލައަށް ގޮއްވާލީ،" އަފްޣާނިސްތާނުގެ އިންޓީރިއަރ މިނިސްޓްރީގެ ތަރުޖަމާނު ޞިއްދީޤް ޞިއްދީޤީ އޭއެފްޕީގައި ބުނެފައިވެއެވެ.
ތާލިބާނުގެ ތަރުޖަމާނަކުވަނީ މިހަމަލާގެ ޒިންމާ ނަގައިފައެވެ. ހަމަލާގެ ޒިންމާ ނަގާކަން އޭނާ ހާމަކުރައްވާފައިވަނީ ޓްވީޓާޕޭޖުގައެވެ.
ކިޔުންތެރިންގެ ހިޔާލު