ހިޒްބުﷲ މީހުންއުޅޭ ސަރަހައްދަކަށް ވަރުގަދަ ހަމަލާއެއްދީފި
21 ޖެނުއަރީ 2014 23:27
ބެއިރޫތުގެ ހިޒްބުﷲ މީހުން ގިނަ ސަރަހައްދަކަށް ވަރުގަދަ ބޮމުގެ ހަމަލާއެއްދީފިއެވެ.
ޚަބަރަތަކުން ބުނާގޮތުގައި ކާރުބޮމެއް ގޮއްވާލައިގެން ދިން މިހަމަލާގައި މަދުވެގެން 4 މީހުން މަރުވެފައިވާ ކަމަށާއި އަދި އިތުރު 35 މީހުންނަށް ސީރިއަސް އަނިޔާތަށް ލިބިފައިވާ ކަމަށެވެ.
ޝީޢީންގެ ހައްދުފަހަނައަޅާފައިވާ ރާފިޟީ ފިރުޤާގެ މީހުން ގިނަ މިސަރަހައްދަށް ދިން ހަމަލާއަކީ ލުބުނާނުގައި ހަރަކާތްތެރިވަމުން އަންނަ ނުޞްރާ ޖަބަހާގެ ހަނގުރާމަވެރިން ދިން ހަމަލާއެއް ކަމަށް އެޖަމާޢަތުން ހާމަކޮށްފައިވެއެވެ.
އެޤައުމުގެ އިންޓީރިއާ މިނިސްޓަރު މަރްވާން މައުލޫމާތު ދީފައިވާގޮތުގައި މިހަމަލާދީފައިވަނީ ކާރެއްގައި ބޮންތަކެއް ހަރުކޮށްގެންނެވެ. އަދި މިކާރު ދުއްވަން އިން މީހާ އިނީ މުޅިގައިގައި ބޮން ހަރުކޮށްގެން ކަމަށްވެސް އޭނާ ހާމަކުރިއެވެ.
ލުބްނާނުގެ ހައްދުފަހަނައަޅާފައިވާ ޓެރަރިސްޓް ޖަމާޢަތް، ހިޒްބުﷲ މެމްބަރުންނަށް އަމާޒުކޮށްދޭ މިފަދަ ހަމަލާތައްވަނީ ގިނަވެފައެވެ.
ކިޔުންތެރިންގެ ހިޔާލު