އެރިއަލް ޝެރޯންގެ ޖަނާޒާ ބާއްވަމުން ދިޔައިރު ޔަހޫދީން ފޭރިގެންފައިވާ ބިމަށް ބިން ހެލުމެއް އަތުވެއްޖެ
19 ޖެނުއަރީ 2014 20:40
ޔަހޫދީ އިސްތިއުމާރުގެ ކުރީގެ ބޮޑުވަޒީރު އަދި މުސްލިމުންގެ ޤާތިލް އެރިއަލް ޝެރޯންގެ ޖަނާޒާ ބާއްވަމުންދިޔަ ވަގުތު ޔަހޫދީން ފޭރިގެންފައިވާ ފަލަސްތީނުގެ ބިމަށް ބިން ހެލުމެއް އަތުވެއްޖެއެވެ.
ޔަހޫދީ އިސްތިއުމާރުގެ އެއްބާނީ ކަމުގައިވާ ޝެރޯން ވަޅުލަމުންދިޔައިރު އުތުރު ގެލީލީ އަވަށަށް ބިން ހެލުމެއް އައިކަމަށް އެސަރަޙައްދުގެ ރައްޔިތުން ނޫސްތަކަށް މައުލޫމާތު ދިނެވެ.
ޔަހޫދީންގެ ޖިއޯފިޒިކަލް އިންސްޓިޓިއުޓްއިން ހާމަކުރާގޮތުގައި އެސަރަޙައްދަށް އައިސްފައިވަނީ ރިޗަރ ސްކޭލްގެ 3.5 ގެ ބިން ހެލުމެކެވެ.
"މީގެ ކުރީގައިވެސް ހަމަ އެސަރަޙައްދަށް އެފަދަ ބިންހެލުންތައް ވަނީ އައިސްފައި،" ޖިއޯފިޒިކަލް އިންސްޓިޓިއުޓްގެ ޗީފް ޔޫރީ ފްރައިޑްލޭންޑަރ ބުނެފައިވެއެވެ.ހާރެޓްޒް ކިޔާ ނޫހަކަށް އޭނާ މައުލޫމާތުދެމުން އިތުރަށް ހާމަކުރިގޮތުގައި މިފަހަރުގެ ބިން ހެލުން އައީ ކީއްވެގެން ކޮން ސަބަބަކާ ހެދީކަމެއް ޔަހޫދީންގެ ޖިއޯފިޒިސިސްޓުންނަށް އަދި އެނގިފައިނުވާ ކަމަށެވެ. އޭނާ ހާމަކުރިގޮތުގައި އެސަރަޙައްދަށް ބޮޑު ބިންހެލުމެއް އައިސްފާނެތޯ ބެލުމަށް މިހާރު ޖިއޮލޮޖިސްޓުންދަނީ މިބިންހެލުންތައް ދިރާސާކުރަމުންނެވެ.
ޤުދުސްގެ ހިބްރޫ ޔުނިވަރސިޓީގެ ޕްރޮފެސަރެއްކަމުގައިވާ އަމޯޓްޒް އެގްނަން ހާމަކުރާގޮތުގައި ކައިރި މުސްތަޤްބަލުގައި އެސަރަޙައްދަށް ބިޔަ ބިންހެލުމެއް އަންނާނެ ކަމަށް ލަފާކުރެވެއެވެ.
ކިޔުންތެރިންގެ ހިޔާލު