ކާރު ބޮމުގެ ހަމަލާއެއްގައި ލުބްނާނުގެ ކުރީގެ މާލީ ވަޒީރެއް މަރުވެއްޖެ
28 ޑިސެމްބަރ 2013 16:25
ލުބްނާނުގެ ވެރިރަށް ބެއިރޫތުގައި ދިން ކާރު ބޮމުގެ ހަމަލާއެއްގައި އެޤައުމުގެ ކުރީގެ ބޮޑު ވަޒީރު ސާދް ހަރީރީގެ ގާތް އެކުވެރިޔެއްކަމުގައިވާ ކުރީގެ ފިނޭންސް ވަޒީރު، މުޙައްމަދު ޗަތާހުއާއި އަދި ބައެއް ސިޔާސީ އިސްވެރިން މަރުވެއްޖެއެވެ.
ކާރު ބޮމުގެ މިހަމަލާ އަމާޒުވެފައިވަނީ ޕާލިމެންޓާރި އަދި ސަރުކާރުގެ ހެޑްކުއާޓާޒްއާއިކައިރި ސަރަޙައްދެއްގައެވެ. އަދި މިހަމަލާގައި 71 މީހުންނަށް އެކިވަރުގެއަނިޔާތަށް ލިބިފައިވާކަމަށް ޚަބަރުތަކުން ބުނެއެވެ.
މިހަމަލާގެ ވަރުގަދަކަމުން އެހިސާބުގެ ކައިރި ހިސާބުތަކުގައި ތިބިއިމާރާތްތަކުގައި ތިބި މީހުންނަށްވެސް އަނިޔާވެފައިވާކަމަށް އަލްޖަޒީރާ ނޫހުން ހާމަކުރެއެވެ.
ލުބްނާނުގެ ކުރީގެ ބޮޑުވަޒީރު ހަރީރީ ތުހުމަތުކުރައްވާގޮތުގައި މިހަމަލާގެފަހަތުގައި ވަނީ އެޤައުމުގައި ހަރަކާތްތެރިވަމުން އަންނަ ޓެރަރިސްޓް ޝީޢީޖަމާޢަތެއްކަމުގައިވާ ހިޒްބުއްލާތެވެ.
ކިޔުންތެރިންގެ ހިޔާލު