ހިޒްބުއްލާ ޖަމާޢަތުގެ އިސްލީޑަރަކު މަރާލައިފި
5 ޑިސެމްބަރ 2013 18:59
ލުބުނާނުގެ ހައްދުފަހަނައަޅާފައިވާ ޝީޢީ ޓެރަރިސްޓް ޖަމާޢަތެއްކަމުގައިވާ ހިޒްބުއްލާތުގެ އިސްލީޑަރަކު ބެއިރޫތުގައި މަރާލައިފިއެވެ.
"އަންގާރަ ދުވަހުގެރޭ ދަންވަރުގެ ވަގުތެއްގައި އަޅުގަނޑުމެންގެ ކޮމާންޑަރެއްކަމުގައިވާ ހަސަން އައްލާޤިސްވަނީ ބެއިރޫތުގެ ހަދަސް އަވަށުގައި ހުންނަ އޭނާގެ ގޭގެ ކުރިމަތީގައި ބަޑިޖަހައި މަރާލާފައެވެ. އަދި އޭނާ މަރާލާފައިވަނީ އޭނާގެ ވަޒީފާ ނިންމާލާފައި ގެއަށް ދަނިކޮށެވެ،" ހިޒްބުއްލާ ޓެރަރިސްޓް ޖަމާޢަތުން ނެރުނު ބަޔާނެއްގައިވެއެވެ.
އެޖަމާޢަތުން ހަސަން މަރާލި ކަމުގެ ތުހުމަތު އަޅުވަނީ ފަލަސްތީނަށް ގަދަބާރުން ވެރިވެފައިވާ ޔަހޫދީ އިސްތިއުމާރީ ދައުލަތުގައެވެ.
އޭއެފްޕީއިން ހާމަކުރާގޮތުގައި ހިޒްބުއްލާ ޖަމާޢަތުގެ މިކޮމާންޑަރު މަރާލާފައިވަނީ އޭނާގެ ގޭގެ ކުރިމަތީގައި ކާރުގައި އިންދާ އޭނާގެ ގަޔަށް ބަޑި ޖަހައިގެންނެވެ.
އޭނާ މަރުވެފައިވަނީ ހޮސްޕިޓަލަށް ގެންދިޔަތާ މާގިނަ އިރު ނުވަނީސްކަމަށް ޚަބަރުތަކުން ބުނެއެވެ.
ކިޔުންތެރިންގެ ހިޔާލު