އެއްޖިންސުން ކައިވެނި ކުރުމަށް ކްރޯއޭޝިއާ ގެ ރައްޔިތުން ނޫނެކޭ ބުނެފި
2 ޑިސެމްބަރ 2013 15:51
އެއްޖިންސުންކައިވެނި ކުރުން މަނާކުރުމާ މެދު ކްރޯއޭޝިއާގެ ރައްޔިތުންގެ ޚިޔާލުހުރި ގޮތްބެލުމަށް ނެގި ވޯޓުގެ ވަގުތީ ނަތީޖާ ދައްކާގޮތުން އެޤައުމުގެ ރައްޔިތުންގެ އަޣްލަބިއްޔަތު އޮތީ އެއްޖިންސުން ކައިވެނި ކުރުން މަނާކުރުމަށެވެ.
ކްރޯއޭޝިއާގެ ޤާނޫނުއަސާސީގައި ކައިވެނީގެ ތަޢުރީފަކަށް އެއީ އަންހެނަކާއި ފިރިހެނަކާއި ރަސްމީކޮށްގުޅޭގުޅުންކަމުގައި އިތުރުކުރަން ފެނޭތޯ ނެގި މިވޯޓުގައި އެޤައުމުގެ 64.84އިން ސައްތަ މީހުން ބުނެފައިވަނީ"އާ" އެކޭއެވެ. އަދި ކެތަލިކް ކްރިސްޓިއަނުން ގިނަ މިޤައުމުގެ 34.56އިން ސައްތަ މީހުން ވޯޓު ދީފައިވަނީ އެއާއި ދެކޮޅަށެވެ.
ކްރޯއޭޝިއާގެއިލެކްޝަންސް ކޮމިޝަނުން ހާމަކުރާގޮތުގައި މިއީ އަދި ވަގުތީ ނަތީޖާއެކެވެ. އަދިބާކި އަދި ގުނާ ނުނިމޭ ފޮށިތަކެއް އެބަހުރި ކަމަށާއި އަދި ގުނާ ނިމުނީ ތިން ބައިކުޅަ އެއްބައި ވޯޓު ފޮށިއެވެ.
"އަހަރެންނަކީ ތިންކުދިންގެ ބައްޕައެއް. އެއީ މިހުރިހާ ކަމެއްގެ ހުރި ބާތިލްކަން ދައްކައިދޭކަމެއް. އެއްޖިންސުން މީހުނާ އިނުމީ އެއީ އިންސާނުންގެ ފިތުރަތާޚިލާފުކަމެއް. ކައިވެންޏަކީ އަންހެނަކާއި ފިރިހެނަކާ ދެމެދު ކުރެވޭކަމެއް. އަދިއެގޮތުން އެދެމީހުންނަށް ދަރިން ލިބޭނެ. އެކަމަކު ކިހިނެއްތޯ ފިތުރަތާ އެއްގޮތަށްފިރިހެނަކާއި ފިރިހެނަކާއި އިނދެގެން ނުވަތަ އަންހެނަކާއި އަންހެނަކާއި އިނދެގެންދަރިން ހޯދާނީ؟ ފިތުރަތުގެ ތެރެއިންވާ ކަމެއް ނޫން އެއީ،" އެއްޖިންސުގެ ކައިވެންޏާ ދެކޮޅަށް ވަކާލާތު ކުރާ އެޤައުމުގެ އާންމު ރައްޔިތަކު އޭއެފްޕީއަށް ކިޔައިދިނެވެ.
ކިޔުންތެރިންގެ ހިޔާލު