ޕަބެއްގެ މައްޗަށް ހެލިކޮޕްޓަރެއް ވެއްޓި އެތަކެއް ބަޔަކު މަރުވެއްޖެ
1 ޑިސެމްބަރ 2013 20:32
ސްކޮޓްލޭންޑުގެ އެންމެ ބޮޑު ސިޓީކަމުގައިވާ ގްލާސްގޯގެ ޕަބެއްގެ މައްޗަށް ހެލިކޮޕްޓެރެއް ވެއްޓި އެތަކެއް ބަޔަކު މަރުވެ ގިނަ ބަޔަކު ޒަޚަމްވެފައިވާ ކަމުގައި އެޤައުމުގެ ފުލުހުން ހާމަކޮށްފިއެވެ.
ހެލިކޮޕްޓަރުގައި ތިބި ތިން މީހުންގެ އިތުރަށް ޕަބުގައި ތިބި ފަސް މީހުން މަރުވެފައިވާ ކަމަށް އެސޯސިއޭޓެޑް ޕްރެސްއިން ޚަބަރުދެއެވެ.
މަންޒަރު ދުށްމީހުން ބުނާގޮތުގައި ކްލުތާ ޕަބުގެ މައްޗަށް "މަތިން ގަލެއް ވެއްޓޭހެން" ހެލިކޮޕްޓަރު ވެއްޓުނީ ހުކުރުދުވަހުގެ ރޭ ގާތްގަނޑަކަށް 10:25 ގައެވެ. އަދި ހެލިކޮޕްޓަރު ޕަބްގެ މައްޗަށް ވެއްޓުނު އިރު ޕަބުގައި ދިޔައީ މިއުޒިކް ޝޯއެއް ބާއްވަމުންނެވެ.
ޕަބުގެ ތެރޭގައި ތާށިވެފައި ތިބި މީހުން ސަލާމަތް ކުރުމަށްޓަކައި އެޤައުމުގެ އެމެޖެންސީ ޚިދުމަތްތެރިންދަނީ މަސައްކަތް ކުރަމުންނެވެ.
"މަރުވެފައިވާ މީހުންގެ އަދަދު މައްޗަށް އަރާނެކަމަށް ބެލެވޭ،" ސްކޮޓްލޭންޑް ޕޮލިސްގެ ޗީފް ކޮންސްޓަބަލް ހާމަކުރިއެވެ.
ކިޔުންތެރިންގެ ހިޔާލު