ލީބިޔާގެ ޓްރިޕޮލީގައި ކުއްލި ހާލަތު އިއުލާންކޮށްފި
17 ނޮވެމްބަރ 2013 22:49
ހަތިޔާރު އެޅި ޖަމާއަތްތަކާ ދެކޮޅަށް ފެށި މުޒާހަރާތަކާއެކު ގައުމު ހަލަބޮލިވެ ލޭއޮހުރުވުންތައް ހިނގަން ފެށުމުން ލީބިޔާގެ ޓްރިޕޮލީގައި 48 ގަޑި އިރުގެ ކުއްލި ހާލަތު އިއުލާންކޮށްފިއެވެ.
ހޮނިހިރުދުވަހުގެ ހަމަނުޖެހުންތަކުގައި އެކަކު މަރުވެ އެތައް ބަޔަކު ވަނީ ޒަޚަމްވެފައެވެ. އަދި ހުކުރުދުވަހު މަދުވެގެން 40 މީހުން މަރުވެފައިވާކަމަށް ޚަބަރުތަކުން ބުނެއެވެ.
ލީބިޔާގެ ކޮންގްރެސްގެ މެމްބަރެއް ކަމުގައިވާ މުޙައްމަދު ސާސީ މައުލޫމާތު ދީފައިވާގޮތުގައި ހަތިޔާރު އެޅި ޖަމާޢަތްތަކުން އެއްބަޔަކު އަނެއްބަޔަކަށް ދެމުން އަންނަ ހަމަލާތައް ބަދަލު ކުރެވެނުން ފެށީ ޓްރިޕޮލީގެ ތަޖޫރާ ސަރަޙައްދުގެ ޗެކްޕޮއިންޓްތަކުން މިސްރާޓާ ސިޓީގެ ހަނގުރާމަވެރިން ޓްރިޕޮލީއަށް ވަނުން ދެކޮޅު ހެދުމުންނެވެ.
ހުކުރުދުވަހުގައި މަރާލި މީހުންގެ ބަދަލުހިފުމުގެ ގޮތުން އެތަކެއް ހާސްމީހުންވަނީ ހޮނިހިރު ދުވަހު ޓްރިޕޮލީގެ ސިޓީ ސެންޓަރަށް ޖަމާވެފައެވެ. އަދި އެތަނުގައި އެއްވެ ތިބި މީހުން ހަނގުރާމަވެރިން ޓްރިޕޮލީއަށް އެރުން މަނާކުރުމަށް ގޮވާލުމުން ހަނގުރާމަވެރިން އެމީހުންނަށް އަމާޒުކޮށް ބަޑިން ހަމަލާދިނެވެ.
ކިޔުންތެރިންގެ ހިޔާލު