ފިލިޕިންސަށް އައި ތޫފާނުގައި 1000 އަށް ވުރެ ގިނަ މީހުން މަރުވެފައިވޭ- ރެޑް ކްރޮސް
11 ނޮވެމްބަރ 2013 0:27
ފިލިޕިންސަށް އައި ގަދަ ތޫދާނުގައި 1000 އަށް ވުރެ ގިނަ މީހުން މަރުވެފައިވާ ކަމަށް ބެލެވޭކަމުގައި އެޤައުމުގެ ރެޑް ކްރޮސްއިން ހާމަކޮށްފިއެވެ.
ޕިލިޕިން ރެޑް ކްރޮސްގެ އަމީން އާންމު، ގްވެންޑޮލިން ޕޭންގް މަޢުލޫމާތު ދީފައިވާގޮތުގައި ޕިލިޕިންސްގެ ޓަކްލޮބާން އާއި ސަމަރުގައި ހަރަކާތްތެރި ވަމުންދާ ރެޑް ކްރޮސްގެ ވަފްދުތަކުގެ ވަގުތީ ރިޕޯޓްތަކުން ހާމަކޮށްފައިވާގޮތުގައި ހުކުރުދުވަހު އެޤައުމަށް އަރާފައިވާ ޓައިފޫން ހައިޔާންގެ ނަމުން ނަން ދެވިފައިވާ ތޫފާނުގައި ހަމައެކަނި ޓަކްލޮބާން ގެ ސަރަޙައްދުން 1000 އަށް ވުރެ ގިނަ ފުރާނަ ނެތް ހަށިތައް ފެނިފައިވާ ކަމަށެވެ.
"ސަމަރުގައި ގާތްގަނޑަކަށް 200 މީހުން މަރުވެފައިވާ. އަދިވެސް ދަނީ އިތުރަށް ބަލަމުން،" އޭނާ ހާމަކުރިއެވެ.ފިލިޕިންސަށް އެރި މިތޫފާނުގައި 220000 މީހުންގެ އާބާދީއެއް ދިރިއުޅެމުން އަންނަ ޓަކްލޮބާންގައި ވަނީ ފެންގަނޑު ބޮޑުވެފައެވެ. އަދި މިތޫފާނުގައި އެންމެ ބޮޑަށް ގެއްލުން ވެފައިވަނީ އެސިޓީކަމުގައި ޚަބަރުތަކުން ބުނެއެވެ.
އެޤައުމުގެ ދެކުނު އަވަށެއް ކަމުގައިވާ ޕާލޯގައި ވަނީ ތިނެއް ބައި މީޓަރަށް ފެންބޮޑުވެފައެވެ.
އދ. ގެ އޮފިޝަލަކު ހާމަކޮށްފައިވާގޮތުގައި 2004 ވަނަ އަހަރު އިންޑިއާ ކަނޑުގެ ސުނާމީގައި ލިބުނު ގެއްލުމާއި ގާތްކުރާވަރުގެ ގެއްލުމެއް ވަނީ ޕިލިޕިންސްގެ މިތޫފާނުގައި ލިބިފައެވެ.
ކިޔުންތެރިންގެ ހިޔާލު