ލަލީގާ ކުޅުންތެރިިން ތިބީ އިރުގެ ހޫނުކަން ހޯދަން ދިވެހިރާއްޖޭގައި ، އިނގިރޭސި ލީގް ކުޅުންތެރިންނަށް އޮތީ ވަރުގަދަ މެޗުތަކެއް- މޮރީނިއޯ
25 ޑިސެމްބަރ 2014 21:38
ކްރިސްމަސް އާއި މީލާދީ އާއަހަރުގެ ޗުއްޓީ ހޭދަކުރުމަށް ސްޕެއިންގެ ލަލީގާގެ ކުޅުންތެރިން ތިބީ އިރުގެ ހޫނުކަން ދިވެހިރާއްޖޭގައި ކަމަށާއި އެކަމަކު އިނގިރޭސި ޕްރިމިއަރ ލީގުގެ ކުޅުންތެރިންނަށް މިދުވަސްވަރު އޮތީ ވަރުގަދަ މެޗުތަކެއް ކުޅުންކަމަށް ޗެލްސީގެ ކޯޗް ހޯސޭ މޮރީނިއޯ ބުނެފިއެވެ.
"ޖަރުމަނު ބުންޑަސްލީގާ ކުޅުންތެރިން މިވަގުތު ތިބީ ގޮނޑުދޮށްތަކުގައި. ސްޕެއިންގެ ލަލީގާ ކުޅުންތެރިން ތިބީ އިރުގެ ހޫނުކަން ހޯދުމަށް ދިވެހިރާއްޖޭގައި. އެކަމަކު އިނގިރޭސި ވިލާތުގައި މިމަހުގެ 22 ވަނަދުވެސް މެޗުތައް ކުޅުނު އަދި މިރެއާއި އަންނަ ހޯމަ ދުވަހުގެ ރޭވެސް މެޗުތައް ކުޅޭނެ. ކްރިސްމަހެއް ނެތް. މިތަނުގައި އޮތީ ހަމައެކަނި ފުޓްބޯޅަ. ވީމާ އިނގިރޭސި ޕްރިމިއަރ ލީގުގައި ކުޅޭ ކުޅުންތެރިންނަށް އިހްތިރާން ހައްގު" މޮރީނިއޯ ބުންޏެވެ. މޮރީނިއޯ ބުނީ މިސަބަބާހުރެ އިނގިރޭސިވިލާތުގައި ފުޓްބޯޅަ ކުޅޭ ހުރިހާ ކުޅުންތެރިންނަށާއި ހުރިހާ ރައްޔިތުންނަށް އޭނާގެ އިހްތިރާމް ވަރަށް ބޮޑުކަމަށެވެ.
ސްޕެނިޝް ލަލީގާ ކުޅުންތެރިން ތިބީ ދިވެހިރާއްޖޭގައިކަމަށް މޮރީނިއޯ ބުނެފައި މިވަނީ، ސްޕެނިޝް ލަލީގާގައި ކުޅޭ މަޝްހޫރު ތަރިންތަކެއް ރާއްޖޭގައި ޗުއްޓީ ހޭދަކުރަމުންދާ ދަނޑިވަޅެއްގައެވެ.
ކިޔުންތެރިންގެ ހިޔާލު