ދެވަނަ ބުރުގައި އާޖެންޓީނާއާއި ސްވިޓްޒަލޭންޑް އަދި ފްރާންސާއި ނައިޖީރިޔާ ބައްދަލު ކުރަން ޖެހިއްޖެ

ބްރެޒިލްގައި މިހާރު ކުރިއަށްދާފީފާ ވޯލްޑް ކަޕުގެ ދެވަނަ ބުރުގައި އާޖެންޓީނާ އާއި ސްވިޓްޒަލޭންޑް އަދިފްރާންސާއި ނައިޖީރިޔާ ބައްދަލު ކުރަން ޖެހިއްޖެއެވެ.

ދެވަނަ ބުރުގައި އާޖެންޓީނާއާއި ނައިޖީރިޔާ ބައްދަލު ކުރަން ޖެހުނީ ގްރޫޕް "އެފް" ގެ އެއްވަނަ އާޖެންޓީނާ ހޯދައި ގްރޫޕް "އީ" ގެ ދެވަނަ ސްވިޓްޒަލޭންޑް ހޯދުމުންނެވެ.

ގްރޫޕް "އެފް" ގެ އެއްވަނަ އާޖެންޓީނާ ހޯދީ ކުޅުނު 3 މެޗުންވެސް މޮޅުވެ 9 ޕޮއިންޓާ އެކުއެވެ. ފުރަތަމަ މެޗުގައި ބޮސްނިޔާ އަތުން އާޖެންޓީނާ މޮޅުވީ 2-1 އިންނެވެ. ދެވަނަ މެޗުގައި އިރާން އަތުން މޮޅުވީ 1-0 އިންނެވެ. އަދި ތިންވަނަ މެޗުގައި ރޭ ނައިޖީރިޔާ އަތުން މޮޅުވީ ވަރަށް ވާދަވެރި ކުޅުމަކަށްފަހު 3-2 އިންނެވެ. މިމެޗުގައި އާޖެންޓީނާއިން ކާމިޔާބުކުރި ތިން ލަނޑުގެ ތެރެއިން ދެލަނޑު ކާމިޔާބު ކޮށްދިނީ ކެޕްޓަން ލިއޮނަލް މެސީއެވެ. މިލަނޑަކީ މެސީގެ ފުޓްބޯޅަ ކެރިޔަރުގައި މިހާތަނަށް ޖެހި އެންމެ އަވަސްލަނޑެވެ. އަދި މިއީ މިފަހަރުގެ ވޯލްޑް ކަޕުގައި މެސީ ކާމިޔާބު ކުރި 4 ވަނަލަނޑެވެ. ނައިޖީރިޔާ ކޮޅަށް އާޖެންޓީނާގެ ތިންވަނަ ލަނޑު ކާމިޔާބު ކޮށްދިނީ މާކޯސްރޮޖޯ، 24، އެވެ. ނައިޖީރިޔާގެ ދެލަނޑުވެސް ކާމިޔާބު ކޮށްދިނީ އަހުމަދު މޫސާވެ.

ދެވަނަ ބުރުން ސްވިޓްޒަލޭންޑަށްޖާގަ ލިބުނީ ގްރޫޕް ސްޓޭޖް ފަހު މެޗުގައި ހޮންޑިއުރަސް އަތުން 3-0 އިން މޮޅުވެ، ފްރާންސް އަތުން އިކްއެޑޯއަށް މޮޅު ނުވެވުމުންނެވެ. ހޮންޑިއުރަސް ކޮޅަށް ސްވިޓްޒަލޭންޑުގެ 3 ލަނޑުވެސް ކާމިޔާބު ކޮށްދިނީ މެޗުގައި މޮޅު ކުޅުމެއް ދެއްކި ޒެހަޑަން ޝަގީރީއެވެ. މިއީ މިފަހަރުގެ ވޯލްޑް ކަޕުގައި ފެނިގެންދިޔަ ދެވަނަހެޓްރިކެވެ. ގްރޫޕް "އީ" ގެ ދެވަނަ ސްވިޓްޒަލޭންޑަށް ލިބުނީ 6 ޕޮއިންޓާއި ފައިދާ 1 ލަނޑާއެކުއެވެ. 

ދެވަނަ ބުރުގައި ފްރާންސާއި ނައިޖީރިޔާ ބައްދަލު ކުރަން ޖެހުނީ، ގްރޫޕް "އެފް" ގެ ދެވަނަ ނައިޖީރިޔަށް ލިބި އަދި ގްރޫޕް "އީ" ގެ އެއްވަނަ ފްރާންސް ހޯދުމުންނެވެ. ނައިޖީރިޔާއަށް ދެވަނަ ލިބުނީ އާޖެންޓީނާ އަތުން ބަލިވިނަމަވެސް ބޮސްނިޔާ އަތުން އިރާން ބަލިވުމުންނެވެ. ނައިޖީރިޔާއަށް 4 ޕޮއިންޓް ލިބުނުއިރު ބޮސްނިޔާއަށް ލިބުނީ 3 ޕޮއިންޓެވެ. ގްރޫޕުގެ ފުލަށް އިރާން ދިޔައީ އެއްޕޮއިންޓާއެކުއެވެ.

ގްރޫޕް "އީ" ގެއެއްވަނަ ފްރާންސް ހޯދީ ގްރޫޕް ސްޓޭޖް ފަހު މެޗުގައި އިކްއެޑޯއާ ވާދަކޮށް ލަނޑެއް ޖެހިޔަނުދީ އެއްވަރުކޮށް 7 ޕޮއިންޓާ އެކުއެވެ.

ދެވަނަ ބުރުގައި ފްރާންސާއި ނައިޖީރިޔާ ބައްދަލު ކުރާނީ އަންނަ ހޯމަ ދުވަހުއެވެ. އަދި އާޖެންޓީނާ އާއި ސްވިޓްޒަލޭންޑް ބައްދަލު ކުރާނީ އަންނަ އަންގާރަ ދުވަހުއެވެ.