އާޖެންޓީނާ ކުޅުންތެރިންގެ ތައުރީފް މެސީއަށް އޮހެނީ
23 ޖޫން 2014 0:23
ވޯލްޑް ކަޕް ގްރޫޕް "އެފް" ގައި ލަނޑެއް ނުޖެހި އެއްވަރުވާން ދަނިކޮށް މެޗުގެ އިތުރު ވަގުތުގައި ކެޕްޓަން ލިއޮނަލް މެސީ ކާމިޔާބު ކޮށްދިން ލަނޑުން މޮޅެ ދެވަނަ ބުރުން ފުރުސަތު ލިބުމުން އާޖެންޓީނާގެ ކުޅުންތެރިންގެ ތައުރީފް އޭނާއަށް އޮހެން ފަށައިފިއެވެ.
"އެ ފެނިގެންދިޔައީ މެސީއަށް ލިބިފައިވާ ހާއްސަ ހުނަރެއް. މުޅި މެޗުގައި މޮޅަށް ނުކުޅެވުނަސް އެންމެފަހު ވަގުތު ދަނޑު މަތީގައި އޭނާހުރިކަން ސާބިތު ކޮށްދީފި" އާޖެންޓީނާ ގައުމީ ޓީމަށް މިރޭ 100 ވަނަ މެޗް ކުޅެދިން ހާވިޔާ މަޝަރާނޯ ބުންޏެވެ.
"ހެއްދެވި ފަރާތަށް ޝުކުރު ކުރަން. ކުޑަ ކުޑަ މީހާ އެންމެފަހު ވަގުތު ބައްތީގެ ހުޅުކޮޅު ދިއްލާލައި އަހަރެމެން މޮޅު ކޮށްދީފި" ނުރައްކާތެރި ހަމަލާތަކެއް ދިފާއު ކުރި ކީޕަރު ސާޖިއޯ ރޮމެރޯ ބުންޏެވެ.
މިމެޗުގައި މެސީ ކާމިޔާބު ކުރި ލަނޑަކީ މިފަހަރުގެ ވޯލްޑް ކަޕުގައި އޭނާ ކާމިޔާބު ކުރި ދެވަނަ ލަނޑެވެ. އަދި އާޖެންޓީނާ ގައުމީ ޓީމަށް އޭނާ ކާމިޔާބު ކޮށްދިން 40 ވަނަ ލަނޑެވެ. އާޖެންޓީނާ ގައުމީ ޓީމަށް އެންމެ ގިނަ ލަނޑު ޖަހައި ދިނުމުގެ ރެކޯޑް އޮތީ ކުރީގެ މަޝްހޫރު ފޯވާޑް ގެބްރިއެލް ބަޓިސްޓޫޓާ އަތުގައެވެ. އެއީ 56 ލަނޑެވެ.
ކިޔުންތެރިންގެ ހިޔާލު